اقتوبەلىك پوليتسەيلەر اگەنتتىكتىڭ «پارا الما!» ۇندەۋىنە قۇلاق اسۋدا

ونىڭ ءبىر مىسالى رەتىندە, اعىمداعى جىلدىڭ 28 ماۋسىمىنداعى دەپارتامەنت باسشىسى راسۋل مەدەتوۆتىڭ سىبايلاس جەمقورلىققا قارسى ۇلتتىق بيۋرونىڭ اۋماقتىق دەپارتامەنتى باسشىلىعىمەن بىرگە وتكىزگەن اقتوبە وبلىسىنىڭ ءىىد جەكە قۇرامىمەن كەزدەسۋىن ايتۋعا بولادى. شارادا قىلمىستىق جاۋاپكەرشىلىككە تارتىلعان ىشكى ىستەر دەپارتامەنتىنىڭ قىزمەتكەرلەرى جونىندە ستاتيستيكالىق مالىمەتتەر جاريالانىپ, كەزدەسۋدىڭ قورىتىندىسىندا راسۋل مەدەتوۆ پوليتسيا قىزمەتكەرلەرىن سىبايلاس جەمقورلىق كورىنىستەرىنە مۇلدەم توزبەۋگە شاقىردى.

ناتيجە ءوزىن كوپ كۇتتىرگەن جوق. وسىلايشا, اعىمداعى جىلدىڭ 18 شىلدەسىندە اقتوبە وبلىستىق ءىىد جول-پاترۋلدىك قىزمەت ساقشىلارىمەن تىلەۋ باتىر جانە ەسەت باتىر كوشەلەرىنىڭ قيىلىسىندا قاۋىپسىزدىك بەلدىگىن تاقپاي, جول ءجۇرۋ ەرەجەسىن بۇزعانى ءۇشىن اۆتوكولىك جۇرگىزۋشىسى توقتاتىلدى. جۇرگىزۋشى اكىمشىلىك جاۋاپكەرشىلىكتەن جالتارۋ ماقساتىندا ينسپەكتورعا 2000 تەڭگە كولەمىندەگى زاڭسىز سىياقى ۇسىنعان.

جوعارىدا اتالعان ارەكەتتەر بەينەتىركەۋ كامەراسىنا ءتۇسىرىلىپ, قر اقبتك 676 بابىنا سايكەس جۇرگىزۋشىگە دەپارتامەنت قىزمەتكەرلەرىمەن اكىمشىلىك حاتتاما تولتىرىلىپ, ءىس سوتقا جىبەرىلدى جانە اعىمداعى جىلدىڭ 3 قىركۇيەگىندە اقتوبە قالاسىنىڭ مامانداندىرىلعان اكىمشىلىك سوتىندا قارالدى.

جول ءجۇرۋ ەرەجەسىن بۇزىپ, جول پوليتسيا قىزمەتكەرلەرىمەن 2000 تەڭگەگە كەلىسپەك بولعان جۇرگىزۋشى ەندى 481 000 تەڭگە كولەمىندە ايىپپۇل تولەۋگە مىندەتتى.

بۇل جاعدايدا جپپ قىزمەتكەرلەرى وزدەرىنىڭ فۋنكتسيونالدىق مىندەتتەرىن جاۋاپتى ورىنداپ, ارىن پاراعا ساتپادى. مۇنداي قىزمەتكەرلەر وزگە ءتارتىپ ساقشىلارىنا ۇلگى بولۋى ءتيىس, دەپ سانايمىز.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنتى وبلىس تۇرعىندارىن پارا بەرۋدەن باس تارتۋعا شاقىرادى. ودان دا ايىپپۇل تولەپ, بيۋدجەتتى تولتىرعان دۇرىس, كەيىن بۇل قارجى تۇرعىنداردىڭ ءال-اۋقاتىن ارتتىرۋعا جۇمسالاتىن بولادى.