وكىنىشكە وراي, فۋتبولدان 5 دۇركىن ەل چەمپيونى -«ەرتىس» فۋتبول كومانداسى ەلىمىزدىڭ پرەمەر-ليگا ويىندارىندا بيىل تۋرنير كەستەسىنىڭ سوڭىنا ءتۇسىپ قالدى. ءبىرىنشى ىرىكتەۋ كەزەڭىنەن وتە الماي ەۆروپا ليگاسىمەن دە قوشتاسقانى بەلىگلى. بيىلعى ماۋسىم سوڭىنا دەيىن «ەرتىستى» الدا 8 ويىن كۇتىپ تۇر. ونىڭ 5-ءۋى سىرت الاڭدا, 3-ءۋى وبلىس ورتالىعىندا وتەدى.
كلۋبتىڭ بۇرىنعى باس باپكەرى, بولگاريالىق مامان ديميتار ديميتروۆ جاز ايىندا پاۆلودارداعى قىزمەتىنە قايتا ورالدى. كلۋب ءباسپاسوز قىزمەتىنىڭ حابارىنا قاراعاندا, ەندى ول جاسالعان كەلىسىمشارت بويىنشا الداعى ەكى جارىم جىل «ەرتىس» فۋتبول كومانداسىن جاتتىقتىرادى.
كلۋبتى 2015-2017 جىلدارى ارالىعىندا جاتتىقتىرعان د. ديميتروۆتىڭ جەتەكشىلىگىمەن بارلىعى جەرگىلىكتى فۋتبولشىلار 79 ويىن وتكىزىپ, ونىڭ 35-ىندە جەڭىسكە جەتسە, 18 كەزدەسۋدى تەڭ اياقتاعان.
كەلەسى ماۋسىمدا «يرتىش» اتاۋى «ERTIS» دەپ وزگەرۋى مۇمكىن. وبلىس ورتالىعىندا قۇرىلعان ساراپتاۋ كوميسسياسىنىڭ مۇشەلەرى «ERTIS» دەپ وزگەرۋى زامان تالابى دەسە, جانكۇيەرلەر دە كلۋب اتاۋىن وزگەرتۋ جونىندە ۇسىنىستار جاساعان. كوميسسيا «ەرتىس» فك ەمبلەماسىن جاڭارتۋدىڭ قاجەتى جوق, كوپشىلىكتىڭ كوزى ۇيرەنگەن لوگوتيپ تارتىمدى دەپ شەشىپتى.
مۇمكىن وسى رۋحاني وزگەرىستەر الاڭدا فۋتبولشىلارعا, جانكۇيەرلەرگە جەڭىس سىيلار.
كەشە 22 قىركۇيەكتە «ەرتىس"كومانداسى شىمكەنتتە «ورداباسى» كومانداسىن 0-2 ۇپايمەن جەڭدى. بىراق, ازىرگە 23 ۇپايمەن تومەنگى ورىندا تۇر. "ورداباسى" 5-ءشى ورىنعا ءتۇسىپ قالدى.
فاريدا بىقاي,
«ەگەمەن قازاقستان»
پاۆلودار