عالامتوردا ادامنىڭ جاڭا ادەتتى 21 كۇندە قالىپتاستىراتىنى تۋرالى كوپ ماقالا بار, الايدا جاڭا ادەتتى قالىپتاستىرۋ سونشالىقتى وڭاي ەمەس ەكەنى كۇندەلىكتى «ەرتەڭنەن باستايمىن» سەكىلدى شەگىندىرۋلەرىمىزدەن بەلگىلى. دەگەنمەن, كەي كەزدە ادەت وڭاي قالىتاسا بەرەدى. نەلىكتەن كەيبىرى وزىنەن-ءوزى قالىپتاسسا, كەيبىرى بىرنەشە ايلار بويى قايتالاۋ مەن ەڭبەكتى قاجەت ەتەدى؟ امەريكانىڭ جالپى ءبىلىم بەرۋ سالاسىنداعى اقپاراتتىق ورتالىقتارىنىڭ ۇزدىگى ThoughtCo جاڭا ادەتتى قالاي تەز ءارى وڭاي قالىپتاستىرۋعا بولاتىنىن ۇسىنادى.
جاڭا ادەتتىڭ قانشالىقتى ۇزاق قالىپتاساتىنى ەسكى ادەتتىڭ قانشالىقتى مىقتى بولۋىنا بايلانىستى. دۇرىس تاماقتانۋعا كوشۋ ون جىل بويى كۇن سايىن بالمۇزداق جەگەن ادامعا قاراعانداع بالمۇزداقتى اپتاسىنا ءبىر رەت جەيتىن ادامعا وڭايىراق. اپتاسىنا ەكى رەت جاتتىعۋ زالىنا بارۋ اپتاسىنا ءبىر رەت بارىپ جۇرگەن ادام ءۇشىن تۇك ەمەس.
ارنايى مەرىزىم بەلىلەپ, ونىمەن ارپالىسقانشا, ادەتتى كۇن سايىن بەلگىەنگەن ءبىر ۋاقىتتا قايتالاپ تۇرۋدى ۇسىنادى كەيبىرى. كەلەسى ستراتەگيالاردى قولدانۋ ارقىلى ادەتتى تەز ءارى ساۋاتتى قالىپتاستىرۋعا بولادى.
1. ماقساتىڭىز انىق بولسىنەگەر ءسىز قانداي دا ءبىر ادەت قالىپتاستىرعىڭىز كەلسە, ونىڭ سەبەبى مەن ماقساتى دا بولۋى كەرەك. الايدا, ۇنەمى جيناقى ءجۇرۋ, تاپسىرمانى ۋاقىتىلى ورىنداۋ سياقتى ماقساتتار ءسىزدى العا جەتەلەپ, موتيۆاتسيا بەرۋى مۇمكىن, بىراق جاڭا ادەت قالىپتاستىرا قويماۋى دا مۇمكىن.
نەگە دەيسىز عوي. جيناقى بولۋعا تىرىسىپ جۇرگەنىڭىزدى ەلەستەتەيىك. بۇل ءۇشىن ءسىز تۇسىنىكسىز, ب ۇلىڭعىر ءوز ناتيجەڭىز ناقتى كورىنبەيتىن ماقسات قويدىڭىز. وعان جەتۋ ءۇشىن جاتىن بولمەدەگى سورەڭىزدى كەرەمەت قىلىپ جيناپ تا قويدىڭىز, الايدا اس ءۇيدىڭ استان-كەتسەن بولىپ جاتقانى ەسىڭىزگە ءتۇسىپ, ول ماقساتتىڭ ورىندالماسىن ويلايسىز.
ادەت – قايتا قايتالانىپ تۇراتىن ارەكەتتەر. ءبىر ۇلكەن ادەت قالىپتاستىرماس بۇرىن, كىشكەنتاي ماقسات ايقىندالۋى ءتيىس. «جيناقى بولامىننىڭ» ورنىنا, ء«ار سەنبى سايىن اس ءۇيدى جينايمىن» سياقتى ناقتى ماقسات قويىڭىز. ەكىنشى ماقساتىڭىزدىڭ ورىندالاتىنىنا ونىڭ ناقتى بولۋى سەبەپ. بۇل اپتا سايىن قايتالانا بەرەتىن, قايتالانىپ وتىرىپ اقىرىندا ادەتكە اينالاتىن ارەكەت.
2. وڭاي جولىن ىزدەڭىزدۇرىس تاماقتانۋدى قالايسىز دەلىك. وزگەرگىڭىز كەلەدى, دۇرىس تاماقتانۋعا دا موتيۆاتسياڭىز بار, بىراق نەلىكتەن ول ادەتىڭىزگە اينالماي ءجۇر؟
ءسىزدى توقتاتىپ جۇرگەن لوگيكالىق, پسيحولوگيالىق توسقاۋىلدار تۋرالى ويلايىق. مۇمكىن ءسىز جۇمىستان شارشاپ كەلىپ, تاماق دايىنداۋعا كۇشىڭىز جەتپەيدى دە زياندى تاماقتارعا تاپسىرىس بەرە سالاسىز. ونىمەن كۇرەسۋدىڭ ورنىنا, ونى جەڭىلدەتۋدىڭ امالدارىن قاراستىرۋ كەرەك. مىسالى, دەمالىس كۇندەرى كەلەسى اپتاعا تاماق ازىرلەپ قويىڭىز. نەمەسە جاقىن ورنالاسقان دۇرىس تاماقتانۋ ورتالىقتارىن ىزدەپ كورىڭىز. ناقتى ايتقاندا, ماسەلەمەن كۇرەسىپ ەمەس, شەشىم تاۋىپ كورىڭىز.
بۇل ءادىس پسيحولوگيادا رەفرەيمينگ, ياعني وزىڭىزگە كوڭىلىڭىز تولماي, ونىمەن كۇرەسۋ ورنىنا باسقا ۇتىمدى شەشىمدەر قاراستىرۋ.
3. دوس تابىڭىزءوزىمىزدىڭ ساتسىزدىكتەرىمىزگە وڭاي قاراساق تا, جاقىنىمىزدىڭ ساتسىزدىگى كوڭىلىمىزدى تۇسىرەرى انىق. بۇل ءتاسىلدى دە ۇتىمدى پايدالانۋعا بولادى. دوستارىڭىزدىڭ كومەگىن پايدالانا ءبىلىڭىز. ءتىپتى كەي كەزدە جاقىندارىڭىزدىڭ باسقالارعا ءسىزدىڭ جاڭا نارسە ۇيرەنىپ جاتقانىڭىزدى ايتۋدىڭ ءوزى ۇلكەن موتيۆاتسيا بەرە الادى. اينالانىڭىزداعىلار جاڭا باستاماڭىزدى ەسىڭىزگە سالىپ ءجۇرسىن, ءار جەتىستىگىڭىزدى قولداپ, دەم بەرىپ تۇرعانى ابزال. ال دوسىڭىز جاڭا ادەتتى سىزبەن بىرگە ۇيرەنەمىن دەسە, ەكەۋلەپ بۇل ءىستى ءساتتى اياقتاۋعا مول مۇمكىندىك بار. ويتكەنى, جاتتىعۋ زالىندا كۇتىپ وتىرعان دوسىڭىزدىڭ الدىنداعى بورىش, موتيۆاتسيا تۋرالى وقىعان ءجۇز كىتابىڭىزدان دا اسەرلىرەك.
4. سىرتقى جانە ىشكى موتيۆاتاتسيانى قولدانىڭىزحاتتار, ءتىزىم جاساۋ, تەلەفونعا ارنايى باعدارلامالار ورناتۋ مەن ەسكە سالارلار قۇرۋ سياقتى سىرتقى كومەكشى فاكتورلاردى قولدانىڭىز. جاڭا ادەت قالىپتاستىرۋ – ەسكى ادەتتى جوعالتۋعا الىپ كەلەتىنىن ۇمىتپاڭىز. دەگەنمەن, قوسىمشا كومەكشىلەردەن بۇرىن, ءار ءىس-ارەكەتىڭىز تۋرالى ءوزىڭىز دە ەسەپ بەرىپ, ويلانىپ تۇرىڭىز.
ىشكى فاكتورلار وتە ماڭىزدى. كوڭىلسىز ويلار مەن بۇل ويىڭىزدىڭ ىسكە اسپايتىنى تۋرالى ويلاي قالعاندا, جاقسى نارسە ويلاپ, ناتيجەسەىندە قانداي پايدالى قاسيەتكە يە بولارىڭىزدى ەلەستەتىڭىز. «سپورت زالىنا بارعاندى جەك كورەمىن» دەۋدىڭ ورنىنا, سپورت زالىنان شارشاپ شىققان سوڭ جاقسىلاپ دەمالاتىنىڭىزدى ويلاڭىز.
5. وزىڭىزگە ۋاقىت بەرىڭىزەسىڭىزدە بولسىن, ادەت قالىپتاستىرۋ كەزىندە دە قاتەلىكتەر بولادى. ءبىر كۇن جوسپارىڭىزدان تىس وتسە, ودا تۇرعان ەشتەڭە جوق. ءبىر كۇندىك قاتەلىك ءسىزدىڭ بۇعان دەيىنگى جۇمىسىڭىزدى ەش ەتپەيدى. ادەت قالىپتاستىرۋ ۋاقىت العانىمەن, ستراتەگيالى, ناقتى, اقىلمەن قالىپتاسقان ادەت ءومىرىڭىزدىڭ سوڭىنا دەيىن قالارى ءسوزسىز.
اۆتورى وليۆيا ۆالدەس
دايىنداعان سۆەتلانا كۋجاكۋلوۆا