دۇنيەج ۇلىك كوشپەندىلەر ويىندارىنىڭ اياسىندا ءوتىپ جاتقان كۇرەستىڭ ارتۇرىنەن ءوتىپ جاتقان سايىستاردا قازاقستاندىق بالۋاندار مەدالدىق قورجىنعا ءوز سالىمدارىن قوسۋدا.
38 مەملەكەتتىڭ 131 سپورتشىسى قاتىسقان قىرعىز كۇرەسىندە جەرلەستەرىمىز: الىشەر مۇحانبەتجانوۆ (55 كگ دەيىن) كۇمىس, مەرجان بەرەكەتوۆ (60 كگ دەيىن) كۇمىس, لەونيد ستانەەۆ (84 كگ دەيىن) كۇمىس, ارمان قاليەۆ (96 كگ دەيىن) كۇمىس, قۇمار قىرعىزباەۆ (66 كگ دەيىن) قولا مەدالداردى ۇتىپ الدى.
14 مەملەكەتتىڭ 32 سپورتشىسى قاتىسقان گورەشتە (تۇركمەن كۇرەسى) تۇركمەندەر ءار ءتۇرلى كاتەگوريادا 3 التىندى قولدان جىبەرمەدى.
قازاقستاندىق پالۋاندار ادىلەت شالعىنبەك ۇلى (62 كگ دەيىن) جانە اماندىق ابىلاي (وبسوليۋتتىك سالماق) 3-ورىننان جوعارى كوتەرىلە المادى.
العاشقى ءتورت كۇننىڭ قورىتىندىسىندا قازاقستاندىقتار 11 التىن, 15 كۇمىس, 18 قولا تاعىنىپ, ۇلتتىق قۇرامالاردىڭ رەيتينگىندە ءۇشىنشى ورىندى يەلەدى. 26 التىن, 18 كۇمىس جانە 16 قولا مەدالمەن قىرعىزستان العا وزدى. 13 التىن, 8 كۇمىس جانە 15 قولا مەدالمەن رەسەيلىكتەر ەكىنشى ورىندا كەلەدى.
نازاربەك بايجىگىتوۆ,
قىرعىز رەسپۋبليكاسى, شولپاناتا قالاسى