مادەنيەت جانە سپورت مينيسترلىگىنىڭ قولداۋىمەن قازاقستان رەسپۋبليكاسىنىڭ استاناسى – استانا قالاسىنىڭ 20 جىلدىعىنا وراي «زاماناۋي الەمدەگى وقۋ مادەنيەتى» تاقىرىبىنداعى ءىىى حالىقارالىق وقۋ كونگرەسىن وتەدى.
كونگرەسس – كىتاپ وقۋدى ناسيحاتتاۋدىڭ الەمدىك تاجىريبەسىن تالقىلاۋ, وقىرمانداردىڭ جانە مادەني قۇزىرەتتىلىكتى جاقسارتۋ, ينتەللەكتۋالدىق الەۋەتتى ارتتىرۋ, كىتاپحانالاردىڭ الەۋمەتتىك-مادەني مەكەمە رەتىندە قىزمەتىن جەتىلدىرۋدىڭ پىكىرتالاس الاڭى.
ءىس-شاراعا ادەبيەت سالاسى بويىنشا نوبەل سىيلىعىنىڭ لاۋرەاتى كادزۋو يسيگۋرو, تانىمال جازۋشىلار يانۋش ۆيشنەۆسكي, گەورگي پرياحين, قازاقستاندىق دۋلات يسابەكوۆ, قابدەش ءجۇمادىلوۆ, بەكسۇلتان نۇرجەكەەۆ, بايبوتا قوشىم-نوعاي, مارالتاي ىبىراەۆ جانە باقىتجان قاناپيانوۆتار قاتىسادى.
كونگرەسس باعدارلاماسى پلەنارلىق وتىرىس جانە سەكتسيالارداعى جۇمىس, سونداي-اق كوپشىلىك الدىنداعى دارىستەر, تاقىرىپتىق تالقىلاۋلار, ترەننيگتەر مەن شەبەرلىك سىنىپتارىن قاراستىرادى. كونگرەسس بارىسىندا شىڭعىس ايتماتوۆتىڭ 90-جىلدىعىنا ارنالعان دوڭگەلەك ۇستەل وتكىزۋ جوسپارلانۋدا.
ءىس-شارا شەڭبەرىندە قر ۇلتتىق ەلەكتروندىق كىتاپحاناسىنىڭ قورىن تولىقتىرۋ ءۇشىن ساندىق كىتاپحانالىق جيناقتاردى وتكىزۋ جوسپارلانۋدا.
پلەنارلىق وتىرىسقا قر مادەنيەت جانە سپورت ءمينيسترى ارىستانبەك مۇحامەدي ۇلى, قازاقستان جازۋشىلار وداعىنىڭ توراعاسى ۇلىقبەك ەسداۋلەت, عالىم-تۇركولوگ ابدۋاقاپ قارا (تۇركيا, ستامبۋل), عالىم, اۋدارماشى حۋان چجونسيان (پەكين, كيتاي), جازۋشى, جۋرناليست, پرياحين گەورگي ۆلاديميروۆيچ, (موسكۆا, روسسيا), يتاليا, ماكەدونيا, ەگيپەت, يران, ينديا, يسپانيا, پاكيستان, تۇركيا, ازەربايجان, بەلورۋسيا, فرانتسيا ەلىنىڭ اقىندارى مەن جازۋشىلارى, شىڭعىس ايتماتوۆتىڭ حالىقارالىق قورىنىڭ پرەزيدەنتى (ىستىقكول فورۋمى) اسقار ايتماتوۆ شىڭعىس ۇلى, (قىرعىزستان), ماركەتينگ كوممۋنيكاتسياسىنىڭ مامانى, بيزنەسمەن, بلوگگەر ەرجان راشەۆ, باسپاگەر, جۋرناليست, بيزنەسمەن, بلوگەر بەيبىت الىبەكوۆ, تمد-عا قاتىسۋشى مەملەكەتتەردىڭ مادەنيەت جانە ونەر تۋرالى «سودرۋجەستۆو يسكۋسستۆ» مەملەكەتارالىق اقپاراتتىق-تالدامالىق جۋرنالىنىڭ باس رەداكتورى اندرەي اندرەەۆيچ بليوك (روسسيا, سانكت-پەتەربۋرگ), ارمەنياداعى «كومسومولسكايا پراۆدا» جانە «ارگۋمەنتى نەدەلي» گازەتىنىڭ ديرەكتورى, «يراۆنۋك» گازەتىنىڭ جارناما ءبولىمىنىڭ باستىعى ۆارتان سپارتاكوۆيچ استۆاتساتاريان, برازيليا, ۆەنگريا, گرۋزيا, بولگاريا, قىرعىزستان, كورەيا, مولدوۆا, لاتۆيا, رەسەي جانە ۇلتتىق كىتاپحانانىڭ ديرەكتورلارى قاتىسادى.