حوككايدوداعى ءزىل-زالا اپاتىنان ەكى ادام قازا تاپتى, دەپ حابارلايدى جاپونيا ۇكىمەتىنىڭ باس حاتشىسى يوسيحيدە سۋگا.
بۇدان بولەك 125 تۇرعىن زارداپ شەگىپ, ولاردىڭ 39-ى حابار-وشارسىز جوعالىپ كەتكەن.
جاۋاپتى حاتشىنىڭ سوزىنشە, ارالدا ەلەكتر ەنەرگياسى ءۇزىلىپ, 3 ميلليوننان استام ءۇي جارىقسىز قالعان. قۇتقارۋ جۇمىستارىنا 20 مىڭداي قورعانىس جانە پوليتسيا, ءورت ءسوندىرۋ قىزمەتكەرلەرى جۇمىلدىرىلعان, قازىر ولاردىڭ سانىن 25 مىڭعا جەتكىزۋ قولعا الىندى.
سارسەنبى كۇنى حوككايدودا ماگنيتۋداسى 6,7 بولاتىن جەر سىلكىنىسى تىركەلدى. ەپيتسەنترى يبۋرا اۋدانىنان باستالعان سىلكىنىس وشاعى 37 شاقىرىمعا دەيىن تەرەڭدەگەن.