«قازاقتەلەكوم» دەرەكتەردى تابىستاۋدىڭ جاڭا حالىقارالىق ترانزيتتىك باعدارىن ىسكە قوستى

قازىرگى سۋاستى كابەلدەرى زاقىمدانعان جاعدايدا, قالپىنا كەلتىرۋ ايتارلىقتاي ۋاقىت قاجەت ەتەدى. جاڭا باعدار سونىڭ تاپتىرماس بالاماسى بولماق. وسىعان بايلانىستى, ەۋروپا, قحر, وڭتۇستىك-شىعىس ازيانىڭ ءىرى وپەراتورلارى جاڭا ترانزيتتىك باعداردىڭ ىسكە قوسىلۋىنا مۇددەلى بولىپ وتىر.

جاڭا ترانزيتتىك باعدارعا «PEARL» (اعىل. ء«ىنجۋ») — Persia Europe Alternative Rapid Link دەگەن اتاۋ بەرىلدى. تاعى ءبىر باعداردىڭ ىسكە قوسىلۋى «قازاقتەلەكوم» اق-تىڭ شىعىس پەن باتىس اراسىنداعى ترافيك ءترانزيتى نارىعىنداعى ۇلەسىن ارتتىرۋ ستراتەگياسىن ىسكە اسىرۋدىڭ ماڭىزدى قادامى بولىپ تابىلادى. قازىرگى كەزدە «قازاقتەلەكوم» اق ورتالىق ازياداعى بايلانىس وپەراتورلارىنا ترانزيتتىك ترافيك ۇسىنۋ نارىعى كوشباسشىلارىنىڭ ءبىرى بولىپ وتىر, ول باتىس پەن شىعىس اراسىنداعى ەڭ قىسقا باعدارعا يە.

ء«بىز ەۋروپا مەن ازيا اراسىنداعى ترافيكتىڭ مەيلىنشە ءوسىپ كەلە جاتقانىن كورىپ وتىرمىز. وپەراتورلار سەرۆيستەردىڭ بۇرىنعىدان دا سەنىمدى ءارى تۇراقتى جۇمىس ىستەۋى ءۇشىن قازىرگى باعدارلاردىڭ بالامالارىن, جاڭا مۇمكىندىكتەردى ىزدەپ جاتىر. جاڭا ترانزيتتىك باعدار — وپەراتورلار ءۇشىن ءىنجۋ-مارجان سەكىلدى, ويتكەنى ول اقپاراتتىق-كوممۋنيكاتسيالار نارىعى ءۇشىن جاڭا مۇمكىندىكتەر ەسىگىن اشادى», — دەيدى «قازاقتەلەكوم» اق ۆ2ۆ ديۆيزيونىنىڭ ساتۋ جونىندەگى ديرەكتورى شىڭعىس ساعىندىق.

جاڭا باعداردىڭ تانىستىرىلىمى بايلانىس وپەراتورلارىنىڭ جىل سايىنعى حالىقارالىق «GCCM 2018» كورمە-كونفەرەنتسياسى اياسىندا ءوتتى. بۇل شارا الماتىدا ەكىنشى رەت وتكىزىلىپ وتىر. وعان تمد, وڭتۇستىك-شىعىس ازيا, ەۋروپا جانە تاياۋ شىعىستىڭ 110 كومپانياسىنان 350-دەن استام وكىل قاتىستى. «GCCM 2018» ۇيىمداستىرۋشىسى — Carrier Community حالىقارالىق تەلەكوممۋنيكاتسيا كلۋبى 2008 جىلى قۇرىلعان, قازىر وندا 2500 بايلانىس وپەراتورى بار. الماتىمەن قاتار, كلۋب اياسىندا وسى تاقىلەتتەس كونفەرەنتسيالار سينگاپۋر, دۋباي, كەياتاۋن, بەرلين, امستەردام, لوندون, سان-پاولو قالالارىندا وتكىزىلەدى.