فۋتزالدان چەمپيوندار ليگاسىنىڭ نەگىزگى كەزەڭىندە كۇش سىناساتىن الماتىنىڭ «قايراتى» مەن «اقتوبە» كلۋبتارىنىڭ قارسىلاستارى انىقتالدى.
ءتورتىنشى توپتا كۇش سىناساتىن «قايرات» پورتۋگاليانىڭ «سپورتينگى», بەلارۋستىڭ «ليداسى» جانە كوسوۆونىڭ «فەنيسكىنە» قارسى وينايدى. وسىلاردىڭ اراسىندا جەرلەستەرىمىز ءۇشىن ەڭ قاۋىپتى قارسىلاس – «سپورتينگ». ءوز ەلىنىڭ ىشكى بىرىنشىلىگىندە 10 مارتە توپ جارعان پيرەنەي تۇبەگىنىڭ تۇلەكتەرى ۋەفا كۋبوگى جولىنداعى جارىستا ءۇش رەت كۇمىس السا (2011, 2017, 2018), ەكى مارتە قولا مەدالدى (2002, 2015) يەلەندى. 2011 جىلى الماتىدا وتكەن ءدال وسى جارىستىڭ جارتىلاي فينالىندا ولار «قايراتتان» 3:2 ەسەبىمەن باسىم تۇسكەن بولاتىن. بۇل باسەكەلەر 3-6 قازان ارالعىندا كوسوۆودا وتەدى.
التىنشى توپتا ونەر كورسەتەتىن «اقتوبە» حورۆاتيانىڭ «نوۆو ۆريەمە» فينليانديانىڭ «كامپۋكسەن ديۋنامو» جانە گرۋزيانىڭ تمس كلۋبتارىمەن كەزدەسەدى. بۇل ويىندار 3-6 قازان ارالعىندا حورۆاتيادا وتەدى.
ءبىر ەكەرەتىن جايت, ءتورتىنشى توپتا العاشقى ءۇش ورىنىن يەلەنگەن كوماندالار ەليتالىق ديۆيزيونعا جولداما السا, التىنشى توپتاعىلار اراسىنان جالعىز عانا ۇجىم سونداي مۇمكىندىككە يە بولادى.
عالىم سۇلەيمەن,
«ەگەمەن قازاقستان»
الماتى