تيمۋر ق ۇلىباەۆ ازيا ويىندارىنا كەلدى

قۇرلىق دوداسىنىڭ سوڭعى جارىس كۇندەرىندە يندونەزيا استاناسىندا بىرنەشە رەسمي كەزدەسۋ وتەدى. قازاقستان ۇوك باسشىسى حالىقارالىق وليمپيادا كوميتەتىنىڭ پرەزيدەنتى توماس باحپەن كەزدەسەدى.

سونداي-اق, ت.ق ۇلىباەۆ ۇلتتىق وليمپيادا كوميتەتتەرى قاۋىمداستىعىنىڭ (ANOC) جانە ازيا وليمپيادالىق كەڭەسىنىڭ (اوك) پرەزيدەنتى شەيح احماد ءال-فاحاد ءال-ساباحپەن جولىعادى.

ەسكە سالا كەتەيىك, ت.ق ۇلىباەۆ ازيا وليمپيادالىق كەڭەسىنىڭ ۆيتسە-پرەزيدەنتى سانالادى. كەزدەسۋلەر بارىسىندا قازاقستان ۇوك پەن حالىقارالىق سپورتتىق ۇيىمداردىڭ ارىپتەستىگىن نىعايتۋ ماسەلەلەرى قاراستىرىلادى.

بۇدان بولەك, قازاقستان ۇوك باسشىسى قازاق بوكسشىلارىنىڭ جارتىلاي فينالدىق باسەكەسىن, دزيۋدودان فينالدىق جەكپە-جەكتەردى جانە سۋ دوبىنان وتكەن ماتچتى تاماشالادى. 

قازىرگى ساتتە قازاقستان سپورتشىلارى جازعى ازيا ويىندارىنان 11 التىن, 11 كۇمىس جانە 39 قولا مەدال جەڭىپ الدى. ازيا ويىندارىنىڭ جابىلۋ سالتاناتى 2 قىركۇيەككە جوسپارلانعان.