2011 جىلعى 3 قاراشا, استانا, ۇكىمەت ءۇيى
«بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 اقپانداعى №220 قاۋلىسىنا وزگەرىس پەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 اقپانداعى №220 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., №12, 86-قۇجات) مىناداي وزگەرىس پەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىندە:
156-تارماقتىڭ ەكىنشى بولىگى مىناداي رەداكتسيادا جازىلسىن:
«وسى ەرەجەنىڭ 157 – 160, 160-2-تارماقتارىندا كورسەتىلگەن ەرەكشەلىكتەر مەن شىعىستاردىڭ ەكونوميكالىق سىنىپتاماسىنىڭ ەرەكشەلىكتەرى بويىنشا شىعىستار تۇرلەرىن قوسپاعاندا, شىعىستاردىڭ ەكونوميكالىق سىنىپتاماسىنىڭ كورسەتىلگەن تىزبەگە ەنبەيتىن ەرەكشەلىكتەرى بويىنشا اۆانستىق (الدىن الا) تولەمگە اعىمداعى قارجى جىلىنا جاسالعان شارت سوماسىنىڭ 30 پايىزىنان اسپايتىن مولشەردە رۇقسات ەتىلەدى.»;
مىناداي مازمۇنداعى 160-2-تارماقپەن تولىقتىرىلسىن:
«160-2. قازاقستان رەسپۋبليكاسىنىڭ مەملەكەتتىك قورعانىستىق تاپسىرىسى شەڭبەرىندە جاسالعان شارتتار بويىنشا اۆانستىق (الدىن الا) تولەمگە اعىمداعى قارجى جىلىنا كوزدەلگەن شارت سوماسىنىڭ 75 پايىزىنان اسپايتىن مولشەردە جول بەرىلەدى.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.