قىزىلوردا وبلىسىندا تولىققاندى جۇمىسپەن قامتىلماعان جانە جۇمىسسىز ازاماتتاردى ەڭبەك نارىعىنا قاجەتتى ماماندىقتارعا وقىتۋ ارقىلى جۇمىسسىزدار قاتارىن ازايىپ كەلەدى.
ال, ولاردىڭ قاتارى از ەمەس. تاۋەكەل توبىنداعى ازاماتتار سانىنىڭ 97 538 ەكەندىگى انىقتالعان بولاتىن.
قىزىلوردا وبلىسىندا اعىمداعى جىلدىڭ 6 ايىندا 7000-نان استام ادام جاڭا جۇمىس ورىندارىنا ورنالاسقان. 20400-دەن استام ادام ناتيجەلى جۇمىسپەن قامتىلىپ, 20000-عا جۋىق ازاماتتىڭ قىزمەتى زاڭداستىرىلىپ وتىر. ولاردىڭ 17000-عا جۋىعى جۇمىس بەرۋشىلەرمەن ەڭبەك كەلىسىم-شارتتارىن جاساستى. 3000-نان استام ادام مەملەكەتتىك كىرىس ورگاندارىندا جەكە كاسىپكەر رەتىندە تىركەلىپ, ءوز كاسىپتەرىن باستاپ جاتىر.
سونىڭ ناتيجەسىندە, جىل باسىنان بەرى ءونىمسىز جۇمىسپەن قامتىلعان جانە جۇمىسسىز رەتىندە تىركەلمەگەن ادام سانىن 27 مىڭنان استامعا ازايتۋعا قول جەتكىزىلدى. بۇل كورسەتكىشتى 70 مىڭعا جەتكىزۋ كوزدەلىپ وتىر.
وبلىستا قابىلدانعان شارالاردىڭ العاشقى ناتيجەلەرى بايقالىپ, اعىمداعى جىلى جۇمىس ىستەپ تۇرعان كاسىپكەرلىك سۋبەكتىلەر 11%-كە كوبەيدى. اتالعان كورسەتكىش بويىنشا قىزىلوردا وبلىسى ايماقتار اراسىندا كوش باستاپ تۇر.
باقتيار تايجان,
«ەگەمەن قازاقستان»
قىزىلوردا وبلىسى