ناقتى تاپسىرمالار بەردى

كەڭەس جۇمىسىنا پرەمەر-مينيستر كارىم ءماسىموۆ, پارلامەنت سەناتىنىڭ توراعاسى قاي­رات ءمامي, پرەزيدەنت اكىمشى­لى­گىنىڭ باسشىسى اسلان مۋسين جانە وزگە دە مەملەكەتتىك ورگان­دار­دىڭ باسشىلارى قاتىستى. پرەزيدەنت ءوز سوزىندە مەملەكەت باسشىسىنىڭ تاپسىرماسى بوي­ىنشا قۇرىلعان, پرەمەر-ءمينيستردىڭ ءبىرىنشى ورىنباسارى ومىرزاق شوكەەۆ باسقاراتىن ۇكى­مەتتىك ارنايى كوميسسيا ماڭ­عىس­تاۋ وبلىسىندا بولىپ, تۇرعىن­دار­مەن كەزدەسۋلەر وتكىزىپ, جەرگىلىكتى جەردەگى جاعدايدى جان-جاق­تى زەرتتەگەنىن اتاپ ءوتتى. ۇكىمەت تاراپىنان جاڭاوزەندەگى تارتىپ­سىز­دىكتىڭ سالدارىن جويۋ جانە قا­لانى قالپىنا كەلتىرۋ جونىندەگى ارنايى ءىس-شارالار جوسپارى بەكىتىلدى. وسى ماقسات ءۇشىن ۇكىمەت تاراپىنان 3 ملرد. تەڭگەدەن استام سومادا قاراجات ءبولىندى.

مەملەكەت باسشىسى قازىرگى ۋا­قىتتا قالاداعى جاعداي تۇراق­تان­عانىن اتاپ كورسەتتى. باسقارۋ ور­گان­دارى قالىپتى رەجىمدە جۇمىس ىستەۋدە. پرەزيدەنت اكىمشىلىگىنىڭ باس­شى­سى ا.مۋسين مەملەكەت باس­شى­سىن اعىمداعى جىلدىڭ 17 جەل­توق­سا­نىندا وتكەن قاۋىپسىزدىك كە­ڭە­سى­نىڭ وتىرىسىندا بەرىلگەن تاپ­سىر­مالاردىڭ ورىندالۋىن ۇي­ىم­داس­تىرۋ بارىسى تۋرالى حاباردار ەتتى. پرەمەر-ءمينيستردىڭ ءبىرىنشى ورىنباسارى ءو.شوكەەۆ پرەزيدەنتكە ارنايى كوميسسيانىڭ ماڭ­عىستاۋ وبلىسىنىڭ جاڭاوزەن قالاسىنداعى جاپپاي تارتىپ­سىز­دىككە بايلانىستى تۋىنداعان الەۋ­مەتتىك-ەكونوميكالىق, گۋما­ني­تارلىق جانە وزگە پروبلەما­لار­دى جەدەل شەشۋ جونىندەگى جۇ­مىسى تۋرالى باياندادى.

باس پروكۋرور اسحات داۋىلباەۆ مەملەكەت باسشىسىنا ماڭعىستاۋ وبلىسىنىڭ جاڭاوزەن قالاسىنداعى جاپپاي تارتىپ­سىز­دىكتى ۇيىمداستىرعان كىنالىلەردى انىقتاۋ جونىندەگى تەكسەرۋ با­رىسى تۋرالى باياندادى. كەڭەستىڭ قورىتىندىسى بوي­ىن­شا مەملەكەت باسشىسى نۇر­سۇل­تان نازارباەۆ بىرقاتار ناقتى تاپسىرمالار بەردى.