ءاربىر تۋعان بالا ءۇشىن ميلليون تەڭگە

قازاقستان سوتسيال-دەموكرا­تيا­لىق «اۋىل» پارتياسىنىڭ وكىل­دە­رى قازىرگى كۇنى ەلىمىزدىڭ ءار تۇك­پى­رىندە وزدەرىنىڭ سايلاۋالدى جۇ­مىس­تارىنا بايلانىستى ۇگىت-نا­سي­حات جۇمىستارىن بارعان سايىن ورىستەتە تۇسۋدە. ولار ەڭبەك ۇج­ىم­دارىمەن, قالا جانە اۋىل تۇر­عىندارىمەن كەزدەسىپ, وسى كەزدەسۋ بارىسىندا وزدەرىنىڭ ساي­لاۋ­الدى تۇعىرناماسىندا كوتەرىلگەن ماسە­لەلەردى حالىققا جەتكىزىپ جانە ول تۋرالى تۇسىنىكتەمە بەرۋدە. وسىنداي جينالىستاردىڭ ءبىرى كەشە قوستاناي قالاسىنداعى وبلىستىق كاسىپوداقتار كەڭەسىنىڭ عيماراتىندا بولىپ ءوتتى. مۇندا پارتيا مۇشەلەرى قالا جۇرتشى­لىعىمەن جانە كاسىپوداق بەلسەندىلەرىمەن كەزدەستى. كەزدەسۋدە قوس­تاناي قالالىق ءماسليحاتىنىڭ دەپۋتاتتىعىنا كانديدات جانە پارتيانىڭ وسىنداعى ءبولىم­شە­سى­نىڭ جەتەكشىسى ءسابيت ەسمۇراتوۆ وب­لىستىق پارتيا ۇيىمىنىڭ وسى­عان دەيىنگى جۇمىس قورىتىن­دى­لا­رى مەن الداعى مىندەتتەرى تۋرالى اڭگىمە قوزعاسا, «اۋىل» پارتيا­سى­نىڭ اتىنان پارلامەنت ءماجىلىسى دەپۋتاتتىعىنا كانديدات رەتىندە ءتىر­كەلگەن نينا سانگينا پارتيا­نىڭ سايلاۋالدى باعدارلاماسى تۋرالى ايتىپ بەردى. «اۋىل» پارتياسىنىڭ ماقسا­تى, كانديداتتىڭ ايتۋىنشا, ادام­دارعا جاقىن جانە تۇسىنىكتى. ول – ەلدىڭ بارلىق ازاماتتارىنىڭ جو­عا­رى تۇرمىس دەڭگەيىنە قول جەتكىزۋ, ولاردىڭ قۇقىقتارى مەن بوس­تان­دىقتارىن شىنايى تۇردە قام­تاماسىز ەتۋ. «اۋىل» پارتياسى وسىنداي جە­تىستىكتەرگە قول جەتكىزۋ ءۇشىن ءبىر­قاتار ناقتى شارالاردى بەلگىلەگەن. سونىڭ ىشىندە ولار ەلىمىزدە جاڭا تۋعان ءار بالا ءۇشىن اتا-اناسىنا 1 ميلليون تەڭگە كومەك­پۇل تولەپ, وتباسىنىڭ تۇرعىن ءۇي سالۋىنا ۇزاق مەرزىمدى جانە سىي­اقى پايىزىنسىز نەسيە الۋى ءۇشىن كۇرەسەتىن بولادى. سونداي-اق ءتو­مەن­گى جالاقىنى 50-75 مىڭ تەڭ­گە­گە, دارىگەرلەر مەن مۇعالىمدەردىڭ جالاقىسىن 150 مىڭ تەڭگەگە دەيىن كوتەرۋ جونىندە ۇسىنىس جاساماق. سۇڭعات ءالىپباي.