ورتالىق كوممۋنيكاتسيالار قىزمەتىندە ەلباسىنىڭ ء«بىر بەلدەۋ, ءبىر جول» جوباسى اياسىندا قازاقستان مادەنيەتىن ۇلى جىبەك جولى بويىندا ورنالاسقان ەلدەرگە تانىستىرۋ شارالارى تۋرالى ءباسپاسوز ءماسليحاتى ءوتتى. شاراعا «KOZ Production» باس ديرەكتورى, اكتەر مۇحاممەد-راسۋل كوزدىباي, «KOZ Production» ديرەكتورى, اكتەر-ستسەناريست باۋىرجان اڭقاباەۆ, كاستينگ ديرەكتورى ادىلەت قاپاش, «KOZ Production» كومپانياسىنىڭ سپورت جانە ءتۋريزمدى دامىتۋ دەپارتامەنتىنىڭ ديرەكتورى كونستانتين ماسلوۆ قاتىستى.
«ەلباسى ن.نازارباەۆ ەلىمىزدى ورتالىق ازياداعى ۇلكەن ءىرى ىسكەرلىك ترانزيتتىك حابقا اينالدىرۋعا شاقىرعان بولاتىن. شەتەلدىك ينۆەستورلار كەڭەسىندە ەلباسى «جاڭا جىبەك جولى» اۋقىمدى جوباسىن ىسكە قوسۋدى ۇسىنعان. سونىمەن قاتار ء«بىر بەلدەۋ, ءبىر جول» فورۋمى ەلىمىزدىڭ گەوساياسي جوبالارىن جۇزەگە اسىرۋعا ۇلكەن مۇمكىندىك بەرەدى. ەلباسى «قازاقستان ءوزىنىڭ تاريحي ءرولىن قايتا جاڭعىرتىپ, ورتا ازيالىق ايماقتاعى ەڭ ءىرى ىسكەرلىك حابقا, ەۋروپا مەن ازيا اراسىنداعى كوپىرگە اينالۋى ءتيىس, دەگەن بولاتىن. الەم قازاقستاندى تەك قانا مۇنايلى ەل رەتىندە ەمەس, سونداي اق مادەني جاڭالىقتارى ارقىلى دا تانۋ كەرەك. بۇل تۋرالى مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا دا ايتىلعان. سوندىقتان دا ءبىز قازاقستاننىڭ زاماناۋي مادەنيەتىن الەمدە كورسەتەتىن جوبالاردى جۇزەگە اسىرۋىمىز كەرەك. ەلىمىزدىڭ مادەنيەت, سونداي-اق تۋريزم سالاسىنداعى جاڭالىقتارىمەن تانىستىرۋ ءۇشىن قازان ايىندا شانحايدا وتەتىن «The Most Credible Award 2018» حالىقارالىق كينوفەستيۆالدە قازاقستاننىڭ كينوتۋىندىلارىن كورسەتەمىز», دەيدى «KOZ Production» باس ديرەكتورى, اكتەر مۇحاممەد-راسۋل كوزدىباي.
جىبەك جولى بويىنداعى ەلدەردەن كەلگەن قوناقتاردىڭ قاتىسۋىمەن وتەتىن بۇل شارادا وتاندىق وندىرىستەگى فيلمدەر دە ۇسىنىلاتىن بولادى.
«بۇل كينوفەستيۆال ءبىزدىڭ كينەماتوگرافىمىز ازيا جانە ەۋروپانىڭ بىرقاتار ەلدەرىمەن باسەكەلەسۋگە قابىلەتتى ەكەندىگىن كورسەتىپ, ەلىمىزدىڭ مادەنيەتىن دامىتۋعا ايتارلىقتاي سەرپىن بەرەدى. اتالعان ءىس-شارا قىتايدىڭ ونەر جۇلدىزدارى دونني يەن (يپ مان, جۇلدىزدار سوعىسى), قىتايلىق تانىمال رەجيسسەر چجان چجي زونگ, اكتەر ساممو حۋن جانە باسقا دا تانىمال ارتىستەر, انشىلەردىڭ قاتىسۋىمەن وتەدى. ال كەشتىڭ نەگىزگى قوناقتارىنىڭ ءبىرى – ءبىزدىڭ تالانتى ءانشىمىز ديماش قۇدايبەرگەن جانە تاعى باسقا قازاقستاندىق بىرقاتار ءانشى, اكەتەرلەرى دە قاتىساتىن بولادى», دەپ اتاپ ءوتتى كاستينگ ديرەكتور ادىلەت قاپاش.
سونىمەن قاتار مۇحاممەد-راسۋل كوزدىباي «The Most Credible Award 2018» حالىقارالىق كينوفەستيۆالىنە 20-عا جۋىق فيلم قاتىساتىنىن ايتتى. ونىڭ ىشىندەگى ەڭ ۇزدىك دەگەن التى جەڭىمپاز فيلم جىبەك جولىنىڭ ەلدەرىنە جانە قىتاي كينوپروكات نارىعىنا شىعادى. كينوفەستيۆالدە 10-عا جۋىق وتاندىق تۋىندى باق سىناماق.
كينوفەستيۆال الەمنىڭ 124 ەلىنە ترانسلياتسيا جاسالادى. ءىس-شاراعا قاتىسۋشىلار 9-دان اسا ەلدەن ءىرى باق وكىلدەرىمەن تانىسۋعا مۇمكىندىك الىپ, ارىقاراي ىنتىماقتاستىق ارقىلى جاڭا جوبالار پايدا بولۋى مۇمكىن.
راۋان قايدار
«ەگەمەن قازاقستان»