قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ ۇلتتىق بيۋرونىڭ اۋماقتىق باسشىلارىن ءوزارا الماستىردى.
بۇل روتاتسياعا قاتىستى استانادا وتكەن ءباسپاسوز ءماسليحاتىندا اگەنتتىكتىڭ رەسمي وكىلى نۇرلان جاحين: «روتاتسيا لاۋازىمدارىندا 2 جىلدان 4 جىلعا دەيىنگى ارالىقتا جۇمىس اتقارعان الماتى قالاسى, اتىراۋ, شىعىس قازاقستان, جامبىل, قوستاناي, قىزىلوردا, پاۆلودار جانە سولتۇستىك قازاقستان وبلىستارى بويىنشا دەپارتامەنت باسشىلارىنا قولدانىلدى», - دەدى.
روتاتسيا جاساۋداعى نەگىزگى ماقسات - قىزمەتكەرلەردىڭ وي-ءورىسىن بىر شەڭبەردە قالماۋىن قاداعالاۋ. بۇل ارقىلى جەرشىلدىككە جول بەرىلمەيدى. وسىعان بايلانىستى اگەنتتىك توراعاسى 8 اۋماقتىق دەپارتامەنتتىڭ باسشىسىن الماستىرۋ تۋرالى شەشىم قابىلدادى.
اتاپ ايتقاندا, ۇلتتىق بيۋرونىڭ اتىراۋ وبلىسى بويىنشا دەپارتامەنتىنىڭ باسشىسى بولىپ سولتۇستىك قازاقستان وبلىسى بويىنشا دەپارتامەنتىنىڭ بۇرىنعى باسشىسى نىعمەدجان ساپاروۆ تاعايىندالدى;
- ۇلتتىق بيۋرونىڭ جامبىل وبلىسى بويىنشا دەپارتامەنتىنىڭ باسشىسى بولىپ قىزىلوردا وبلىسى بويىنشا دەپارتامەنتىنىڭ بۇرىنعى باسشىسى ءادىلحان اشىرباەۆ تاعايىندالدى;
- ۇلتتىق بيۋرونىڭ قاراعاندى وبلىسى بويىنشا دەپارتامەنتىنىڭ باسشىسى بولىپ پاۆلودار وبلىسى بويىنشا دەپارتامەنتتىڭ بۇرىنعى باسشىسى دەنيس شاكەنوۆ تاعايىندالدى;
- ۇلتتىق بيۋرونىڭ قوستاناي وبلىسى بويىنشا دەپارتامەنتىنىڭ باسشىسى بولىپ شىعىس قازاقستان وبلىسى بويىنشا دەپارتامەنتتىڭ بۇرىنعى باسشىسى سەرگەي پوتانين تاعايىندالدى;
- ۇلتتىق بيۋرونىڭ ماڭعىستاۋ وبلىسى بويىنشا دەپارتامەنتىنىڭ باسشىسى بولىپ قوستاناي وبلىسى بويىنشا دەپارتامەنتتىڭ بۇرىنعى باسشىسى ەلدوس ساعيەۆ تاعايىندالدى;
- ۇلتتىق بيۋرونىڭ پاۆلودار وبلىسى بويىنشا دەپارتامەنتىنىڭ باسشىسى بولىپ الماتى قالاسى بويىنشا دەپارتامەنتتىڭ بۇرىنعى باسشىسى ەرجان يبرايموۆ تاعايىندالدى;
- ۇلتتىق بيۋرونىڭ سولتۇستىك قازاقستان وبلىسى بويىنشا دەپارتامەنتىنىڭ باسشىسى بولىپ اتىراۋ وبلىسى بويىنشا دەپارتامەنتتىڭ بۇرىنعى باسشىسى قۇرماش سەيىتبەكوۆ تاعايىندالدى;
- ۇلتتىق بيۋرونىڭ شىمكەنت قالاسى بويىنشا دەپارتامەنتىنىڭ باسشىسى بولىپ جامبىل وبلىسى بويىنشا دەپارتامەنتتىڭ بۇرىنعى باسشىسى مۇرات قارىمساقوۆ تاعايىندالدى. سونداي-اق ۇلتتىق بيۋرونىڭ تۇركىستان وبلىسى بويىنشا دەپارتامەنتىنىڭ باسشىسى بولىپ وڭتۇستىك قازاقستان وبلىسى بويىنشا دەپارتامەنتتىڭ بۇرىنعى باسشىسى نۇرلان قامباتىروۆ تاعايىندالدى.