«تسيفرلى قازاقستان» باعدارلاماسىنا وراي «ەلەكتروندى ۇكىمەت جانە مەملەكەتتىك ەلەكتروندى قىزمەت» اتتى وقۋ كۋرستارى جەر-جەرلەردە ۇيىمداستىرىلىپ جاتقانى بارشاعا ءمالىم. وسى جوبا ارقىلى قازاقستان حالقىنىڭ تسيفرلىق جۇيە بويىنشا ءبىلىمىن ارتتىرۋ قاجەتتىگى دە تۋىنداپ وتىر.
بۇگىن سەمەي قالاسىندا وسىعان وراي سەمينار ءوتتى. ۇيىمداستىرۋشىلاردىڭ ايتۋىنشا, قالا تۇرعىندارىن ينتەرنەت ارقىلى مەملەكەتتىك قىزمەت تۇرلەرىنە تاپسىرىس بەرۋ ماسەلەسى قىزىقتىرعاندىقتان, وسى سالانى مەڭگەرۋ سەميناردىڭ سوڭعى كۇنىنە ورايلاستىرىلىپتى. قالا اكىمى اپپاراتاتىنىڭ وكىلى, سەميناردى ۇيىمداستىرۋشىلاردىڭ ءبىرى ايدانا ەرمۇراتقىزىنىڭ ايتۋىنشا, سەمينارعا قاراپايىم تۇرعىنداردىڭ بارلىعى قاتىسىپ وتىرعاندىقتان دا, ءدارىس تۇرىندە ەمەس, سۇراق-جاۋاپ تۇرىندە وتكىزۋدى ءجون ساناعان. الدىمەن تاقىرىپتى ءتۇسىندىرىپ العان سوڭ, جۇرتشىلىقتىڭ ساۋالدارىنا نازار سالىنادى. وسى جەردە ءبىر-ەكى كومپيۋتەر دە بار ەكەن. سول ارقىلى جۇمىس ىستەپ كورۋگە دە بولادى. ماسەلەن, حقكو ماماندارى ەلەكتروندى قىزمەت ۇلگىلەرىن, «قازپوچتا»اق-ى وكىلدەرى ەلەكتروندى ساۋدا-ساتتىقتى, ال سەمەي قالالىق اكىمشىلىگىنىڭ مەملەكەتتىك قىزمەتكەرلەرى «اشىق ۇكىمەت» تاقىرىبىندا سەمينارلار جۇرگىزدى. حالىق بارلىعىن زور ىنتامەن تىڭداپ, ءبىر كىسىدەي اتسالىستى.
راۋشان نۇعمانبەكوۆا,
سەمەي