كونترتەرروريستىك كوميتەت استانا اكىمدىگىمەن بىرلەسىپ دەسترۋكتيۆتى ءدىني بىرلەستىك وكىلدەرىن انىقتاۋ, ەسەپكە قويۋ جانە وڭالتۋ بويىنشا جوبا شەڭبەرىندە اۋقىمدى جۇمىستاردى اتقارماق, دەپ حابارلايدى ەلوردا اكىمدىگىنىڭ رەسمي سايتى.
بۇگىن مەمورگان قىزمەتكەرلەرى ءۇشىن «جات ءدىني اعىم وكىلدەرىمەن ءتيىمدى جۇمىس جۇرگىزۋدىڭ نەگىزدەرى» اتتى سەمينار بولىپ ءوتتى. سەمينار بارىسىندا «كونتر – تەرروريستىك كوميتەت» رقب باسشىسى امانجول ورازباەۆ دەسترۋكتيۆتى ءدىني بىرلەستىكتەردىڭ مۇشەلەرىن انىقتاۋ, ەسەپكە قويۋ جانە وڭالتۋداعى جوسپارلارىن ايتتى. بۇل قوعامدىق دامۋ مينيسترلىگى, ۇەۇ جانە استانا اكىمدىگىمەن بىرلەسىپ جاسالىپ جاتقان جۇمىس. استانا - تۇرعىندار سانى ۇنەمى كوبەيىپ وتىراتىندىقتان پيلوتتى قالا رەتىندە تاڭدالىپ الىندى. راديكالدى جانە باسقا دا جات ءدىني اعىمنىڭ وكىلدەرىن ساۋالناما ارقىلى انىقتايدى.
«وتكەن جىلى قازاقستان مۇسىلماندارى رۋحاني باسقارماسىنىڭ ەسەبى بويىنشا ءداستۇرلى يسلامعا دەسترۋكتيۆتى ءدىني اعىمنىڭ 940 مۇشەسى قايتارىلعان. بىراق وكىنىشكە قاراي ونى راستايتىن قۇجات جوق. ءبىز قازىر وسى جۇمىستى دەسترۋكتيۆتى ءدىني بىرلەستىكككە تارتىلعانداردىڭ ءاربىرىن راستايتىن بازا جاساعىمىز كەلەدى. وندا ءبىز قۇجات ارقىلى ول ادامنىڭ ءدىني اتريبۋتتار تاعىنىپ جۇرسە دە ءداستۇرلى يسلامنىڭ وكىلى ەكەنىن دالەلدەي الامىز. بارلىعىنا ءبىر ولشەممەن قاراۋعا بولمايدى. شىن مانىسىندە كوبىسى كادىمگى ءدىني كيىنىپ جۇرەتىن مۇسىلماندار», - دەدى ا. ورازباەۆ.
ودان باسقا, "كونتر – تەرروريستىك كوميتەتى" رقب باسشىسى دىنگە تارتۋدىڭ جولدارى تۋرالى دا ايتىپ بەردى. نەگىزىنەن, ول تانىمال مەسسەندجەر مەن سايتتار ارقىلى جۇرگىزىلەدى.
«الەۋمەتتىك جەلى ارقىلى اقپاراتتى تاراتادى. جاستار مەن تاجىريبەسى جوق ادامدار ارينە وسى ناسيحاتقا ەلتىپ, وڭاي بەرىلەدى, - دەپ جالعاستىردى ول. بىزدە قازاقستان بويىنشا قازىرگى تاڭدا اقپاراتتىق-ءتۇسىندىرۋ جۇمىستارى جاقسى جولعا قويىلعان. وسى جۇمىستى دا قاتار دامىتۋ كەرەك», دەدى ا. ورازباەۆ.
سونىمەن قاتار, سەميناردا جات ءدىني اعىمنىڭ وكىلدەرىمەن ءتيىمدى جۇمىس جاساۋدى ارتتىرۋعا باعىتتالعان مەحانيزمدەردىڭ بارىسى تالقىلاندى.