3 تامىز كۇنى اۋعانستاننىڭ پاكتيا ءۋالاياتىندا شيتتەر مەشىتىنە شابۋىل جاسالىپ, 20 ادام قازا تاپتى. ءۋالايات پوليتسياسىنىڭ رەسمي وكىلى ساردار ءۋالي تاباسۋننىڭ حابارلاۋىنشا, جانكەشتى تۇرعىندار مەشىتكە جۇما نامازىنا جينالعان كەزدە بومبا جارعان.
ونىڭ سوزىنشە, پوليتسيا ەكىنشى جانكەشتىنى دەنەسىندەگى بومبانى جارۋعا جەتكىزبەي كوزىن جويدى. شابۋىلدان ون شاقتى ادام جارالانىپ, اۋرۋحاناعا جەتكىزىلدى.
ازىرگە شابۋىلدى ەشكىم موينىنا المادى. بىراق بۇعان دەيىن وسىنداي شابۋىلداردى اۋعانستاننىڭ شىعىسىندا ارەكەت ەتەتىن «يسلام مەملەكەتى» (يم) ەكسترەميستىك ۇيىمى ءوز سودىرلارى جاساعانىن مالىمدەگەن ەدى.
يم اۋعانستانداعى شيتتەردى «دىننەن شىققاندار دەپ تانىپ, ءجيى شابۋىل جاسايدى.