قىزىلوردا وبلىستىق جاستار ساياساتى ماسەلەلەرى باسقارماسى مەن «قازاقستان كۆن» وداعى رجقب «قىزىلوردا كۆن» فيليالىنىڭ ۇيىمداستىرۋىمەن 2018 جىلدىڭ 26 ءساۋىر كۇنى ساعات 18.00-دە وبلىستىق «پرەمەر ليگا» جايدارمان ويىندارىنىڭ فينالدىق سايىستارى ءوتتى.
كوماندالارعا ءادىل باعاسىن بەرەر ادىلقازىلار القاسىنىڭ قۇرامىندا «قىزىلوردا كۆن» فيليالىنىڭ ديرەكتورى ا.باساروۆ, ارداگەر جايدارمانشى ا.باقتىباي ۇلى, كەزىندەگى «ماقتانشاقتار» جانە «قورقىت قۇراماسى» كومانداسىنىڭ بەلدى ويىنشىسى ق.وسپانوۆ, رەسپۋبليكالىق «پرەمەر ليگا» جايدارمان ويىندارىنىڭ 2013 جىلعى چەمپيوندارى «تۇڭعىش استانا» كومانداسىنىڭ مۇشەسى ا.شومەنوۆ جانە قالالىق «جاستار رەسۋرستىق ورتالىعى» كمم-ءنىڭ ديرەكتورى ج.دوسماحانوۆ بولدى.
سايىس ءۇش كەزەڭدى قامتىدى. سالەمدەسۋ, بەس سايىس جانە جۇلدىزدى كورىنىس. تارتىستى وتكەن سايىستىڭ قورىتىندىسى بويىنشا:
چەمپيون 2018 – قازاق گۋمانيتارلىق زاڭ جانە تەحنيكالىق كوللەدجىنىڭ «قاز گيۋا قۇراماسى» كومانداسى, جۇلدەلى 2 ورىن – «ابىلايحان» اتىنداعى جوعارى كوللەدجىنىڭ «ابىلايحان قىزدار قۇراماسى» كومانداسى, 3 ورىن – م.مامەتوۆا اتىنداعى قىزىلوردا گۋمانيتارلىق جوعارى كوللەدجىنىڭ «مانشۇك قۇراماسى» يەلەنسە, ارنايى العىس حاتتارمەن «بولاشاق» مەديتسينا كوللەدجىنىڭ «بمك قۇراماسى» كومانداسى مەن قىزىلوردا گۋمانيتارلىق ەكونونميكالىق كوللەدجىنىڭ «قگەك جاستارى» كومانداسى ماراپاتتالدى.