قازاقستان مەن ورتالىق ازيا اۋماعىنداعى ەڭ بەلدى ۇيىم سانالاتىن «الاش پرايد» كاسىپقوي كلۋبىنىڭ ۇيىمداستىرۋىمەن الماتىنىڭ ىرگەسىندەگى قاپشاعاي قالاسىندا ەرەجەسىز جەكپە-جەكتەن حالىقارالىق تۋرنير ءوتتى. سول جارىستا مىناداي ناتيجەلەر تىركەلدى:
1 جەكپە-جەك. 56,7 كەلى سالماق دارەجەسىندە وتكەن ايقاستا تاجىكستاندىق حۋرشەد نازاروۆ (2-0) قازاقستاندىق باقتيار مۇحامەدياروۆتى (تۇساۋكەسەر كەزدەسۋ) جەڭدى.
2 جەكپە-جەك. 70,3 كەلى سالماق دارەجەسىندە وتكەن ايقاستا قازاقستاندىق ماقسات ومىرتاەۆ (2-0) رەسەيلىك ءشامىل اليەۆتى (3-1) ءبىرىنشى راۋندتا «ۇشبۇرىن» ادىسىمەن ۇتتى.
3 جەكپە-جەك. 83,9 كەلى سالماق دارەجەسىندە وتكەن ايقاستا قازاقستاندىق ديار نۇرقوجاەۆ (2-0) وزبەكستاندىق حاسان بوزوردى (تۇساۋكەسەر كەزدەسۋ) ءبىرىنشى راۋندتا اياعىنا «اۋىرتۋ» ءادىسىن قولدانىپ جەڭدى.
4 جەكپە-جەك. 65,8 كەلى سالماق دارەجەسىندە وتكەن ايقاستا قازاقستاندىق ۋايس تىلەگەنوۆ (تۇساۋكەسەر كەزدەسۋ) قازاقستاندىق ولجاس نۇرقاسىمدى (4-1) جەڭدى.
5 جەكپە-جەك. 66,2 كەلى سالماق دارەجەسىندەگى قىرعىزستاندىق قۇشتاربەك امىربەك ۇلى (5-2) مەن قازاقستاندىق اسقات اكىموۆ (1-0) اراسىنداعى باسەكەدە تەڭ ەسەپ تىركەلدى.
6 جەكپە-جەك. 61,2 كەلى سالماق دارەجەسىندە وتكەن ايقاستا وزبەكستاندىق ماقساتجون يۋسۋپوۆ (6-2) قازاقستاندىق تالعات قالمۇراتوۆتى (2-1) تورەشىلەر شەشىمى بويىنشا ۇتتى.
7 جەكپە-جەك. 65,8 كەلى سالماق دارەجەسىندە وتكەن ايقاستا قازاقستاندىق تەمىرلان ءايسادىلوۆ (6-1) قىرعىزستاندىق اكىمجان بەكتەمىر ۇلىن ءبىرىنشى راۋندتا نوكاۋتقا جىبەردى.
8 جەكپە-جەك. 61,2 كەلى سالماق دارەجەسىندە وتكەن ايقاستا قازاقستاندىق تاكسيم زابيتوۆ (3-0) تاجىستاندىق حولبوي ەموماليدى (2-2) ءۇشىنشى راۋندتا «قىلقىندىرۋ» ادىسىمەن ۇتتى.
9 جەكپە-جەك. 61,2 كەلى سالماق دارەجەسىندە وتكەن ايقاستا موڭعوليالىق سەر-ود بيلگۇۇن (3-0) ەكىنشى راۋندتا باسەكەنى جالعاستىرۋدان باس تارتقانى ءۇشىن جەڭىس قازاقستاندىق بەكزات ءالماحاننىڭ (1:0) ەنشىسىنە جازىلدى.
10 جەكپە-جەك. 77,1 كەلى سالماق دارەجەسىندەگى قازاقستاننىڭ قوس سپورتشىسى – دميتري كۋدينوۆ (3-1) پەن ساعىندىق مۇقانوۆ (3-1-1) اراسىنداعى ايقاس تورەشىلەردىڭ شەشىمى بويىنشا العاشقىسىنىڭ پايداسىنا شەشىلدى.
11 جەكپە-جەك. 65,8 كەلى سالماق دارەجەسىندە وتكەن ايقاستا قازاقستاندىق داۋلەت وتارباەۆ (تۇساۋكەسەر كەزدەسۋ) موڭعوليالىق نارانتسەتسەگا تساتسرالدى (3-0) ءۇشىنشى راۋندتا تەحنيكالىق نوكاۋتپەن جەڭدى.
12 جەكپە-جەك. 81 كەلى سالماق دارەجەسىندە ك-1 نۇسقاسى بويىنشا وتكەن ايقاستا قازاقستاندىق عالىمجان قاناەۆ (5-1) تاجىكستاندىق وليم حايتبەكتى (6-1) ءبىرىنشى راۋندتا نوكاۋتقا جىبەردى. وسى ايقىن جەڭىسىنىڭ ارقاسىندا عالىمجان باۋىرىمىز Alash Pride K-1 نۇسقاسىنىڭ چەمپيوندىق اتاعىن يەلەندى.
13 جەكپە-جەك. +93 سالماق دارەجەسىندە وتكەن ايقاستا قازاقستاندىق ەۆگەني ەگەمبەرديەۆ (7-1) وزبەكستاندىق مۇراتبەك ءازىموۆتى (1-0) ءبىرىنشى راۋندتا تەحنيكالىق نوكاۋتپەن ۇتىپ, Alash Pride ۇيىمىنىڭ چەمپيوندىق التىن بەلبەۋىن يەلەندى.
عالىم سۇلەيمەن,
«ەگەمەن قازاقستان»