شالعايداعى شال اقىن اۋدانىنا قاراستى اقانباراق اۋىلىنداعى “اسەم” شارۋا قوجالىعى تابيعي بالدىردان مال مەن قۇسقا قاجەتتى جەمشوپ قوسپاسىن ازىرلەيتىن يننوۆاتسيالىق تسەحتى ىسكە قوستى.
ءسۇتتى باعىتتاعى ءىرى قارا مالىنىڭ تولدەرى ديارەيا اۋرۋىنا شالدىعۋى ءجيى كەزدەسەدى. ال جوعارىدا اتالعان قوسپا –اتالمىش دەرتكە بىردەن-ءبىر ەم. ونىڭ قۇرامىندا “ب” دارۋمەنىنىڭ بارلىق ءتۇرى بار جانە اقۋىزعا وتە باي. مالدىڭ يممۋنيتەتىن جاقسارتادى.ەرىتىندى تۇرىندەگى قوسپانىڭ ەكى-ءۇش ءليترىن بۇزاۋعا كۇنىنە بەرسە جەتكىلىكتى.
بۇگىنگى كۇنى مال شارۋاشىلىعىندا حلورەللا بيوتەحنولوگياسىن دامىتۋ ماڭىزدى شارالاردىڭ ءبىرى ەكەنىن ەسكەرگەن شارۋا قوجالىعىنىڭ جەتەكشىسى اسان اتىمتاەۆ قوسپا رەتىندە دايىندالاتىن جەمشوپ وندىرۋمەن اينالىسۋ ءۇشىن مەملەكەت كومەگىنە جۇگىنگەن. “بيزنەستىڭ جول كارتاسى – 2020” باعدارلاماسى ارقىلى 2,5 ميلليون تەڭگەنىڭ گرانتىن ۇتىپ العان. قاجەتتى قۇرال-جابدىقتار رەسەيدىڭ قازان قالاسىنان جەتكىزىلگەن. ارنايى ماماندار وقۋ كۋرسىنان وتكەن.
قازىر شارۋاشىلىقتا 320 جىلقى, 260 ءىرى قارا مالى, ءبىر مىڭعا جۋىق قوي بار. قىرىق ادام تۇراقتى جۇمىسپەن قامتىلعان.
الداعى ۋاقىتتا مەملەكەتتىك باعدارلاما اياسىندا ءسۇتتى باعىتتاعى ءبىر ءجۇز باس اسىل تۇقىمدى سيىر ساتىپ الۋ قاراستىرىلعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى