ۇكىمەتتىڭ قاۋلىسىمەن بەرىك ساقباي ۇلى ارىن ءدىن ىستەرى جانە ازاماتتىق قوعام ۆيتسە-ءمينيسترى قىزمەتىنەن بوساتىلىپ, قوعامدىق دامۋ ۆيتسە-ءمينيسترى لاۋازىمىنا تاعايىندالدى, دەپ حابارلايدى پرەمەر-ءمينيستردىڭ ءباسپاسوز قىزمەتى.
بەرىك ارىن 1969 جىلى تالدىقورعان وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «فيلولوگيا» ماماندىعى بويىنشا, قازاق مەملەكەتتىك زاڭ ۋنيۆەرسيتەتىن «قۇقىقتانۋ» ماماندىعى بويىنشا تامامداعان.
ەڭبەك جولىن 1994 جىلى قازاقستان رەسپۋبليكاسىنىڭ سىرتقى ىستەر مينيسترلىگىنىڭ ورتا, تاياۋ شىعىس جانە افريكا ەلدەرى باسقارماسىنىڭ رەفەرەنتى, اتتاشەسى لاۋازىمىنان باستاعان.
1996 جىلعى جەلتوقسان ايىنان 2001 جىلعى شىلدە ارالىعىندا قازاقستان رەسپۋبليكاسىنىڭ ساۋد ارابياسى كورولدىگىندەگى ەلشىلىگىنىڭ اتتاشەسى, ءۇشىنشى حاتشىسى, ەكىنشى حاتشىسى, ءبىرىنشى حاتشىسى لاۋازىمدارىندا قىزمەت ەتكەن.
2001 جىلعى شىلدەدەن 2002 جىلعى ناۋرىز ايى ارالىعىندا قر ءسىم افريكا ەكىجاقتى ىنتىماقتاستىق دەپارتامەنتىنىڭ ءبولىم باسشىسى بولعان.
2002 جىلدىڭ ناۋرىز ايىنان قىركۇيەك ايىنا دەيىن — قر ءسىم ازيا, تاياۋ شىعىس جانە افريكا دەپارتامەنتىنىڭ ءبولىم باسشىسى.
2002 جىلعى قىركۇيەك ايىنان 2006 جىلعى اقپان ايى ارالىعىندا — قازاقستاننىڭ ەگيپەت اراب رەسپۋبليكاسىنداعى ەلشىلىگىنىڭ كەڭەسشىسى.
2006 جىلعى اقپان ايىنان 2007 جىلعى ماۋسىم ارالىعىندا — قر پرەزيدەنتى اكىمشىلىگىنىڭ سىرتقى ساياسات ورتالىعىنىڭ باس ينسپەكتورى.
2007 جىلعى ماۋسىم – 2009 جىلعى جەلتوقسان ارالىعىندا — قر پارلامەنتىنىڭ سەناتى اپپاراتىنىڭ پارلامەنتارالىق بايلانىستار جانە حالىقارالىق ىنتىماقتاستىق ءبولىمىنىڭ مەڭگەرۋشىسى.
2009 جىلعى جەلتوقسان – 2011 جىلعى جەلتوقسان ارالىعىندا — قر پارلامەنتى سەناتىنىڭ اپپاراتى باسشىسىنىڭ ورىنباسارى.
2011 جىلعى جەلتوقسان – 2016 جىلعى قازان ايىنا دەيىن — قر-نىڭ ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى بولدى.
2012 جىلعى اقپان – 2016 جىلعى قازانعا دەيىن — اراب مەملەكەتتەرى ليگاسى جانىنداعى قازاقستان رەسپۋبليكاسىنىڭ تۇراقتى وكىلى.
2012 جىلعى مامىردان 2016 جىلعى قازان ايىنا دەيىن — قر-نىڭ ماروككو كورولدىگىندەگى توتەنشە جانە وكىلەتتى ەلشىسى قىزمەتىن قوسا اتقارعان.
2015 جىلعى ساۋىردەن 2016 جىلعى قازان ايىنا دەيىن — قر-نىڭ الجير حالىق دەموكراتيالىق رەسپۋبليكاسىنداعى, تۋنيس رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارعان.
2016 جىلعى ماۋسىم ايىنان باستاپ قازىرگى تاڭعا دەيىن قر ءدىن ىستەرى جانە ازاماتتىق قوعام ۆيتسە-ءمينيسترى لاۋازىمىن اتقاردى.