«قازگيدرومەت» رمك الداعى ءۇش كۇنگە ارنالعان اۋا رايى بولجامىن ۇسىنادى.
سينوپتيكتەردىڭ بولجاۋىنشا 20 شىلدەدە استانادا كوشپەلى بۇلت شىققانىمەن, جاۋىن جاۋمايدى. وڭتۇستىك-شىعىس, شىعىستان سوعاتىن جەلدىڭ ەكپىنى 5-10 م/س قۇرايدى. اۋا تەمپەراتۋراسى تۇندە +17...+19°س, كۇندىز +30...+32°س.
سەنبى 21 شىلدە كۇنى دە اۋا رايى قۇبىلمالى بولادى. كۇندىز قىسقا مەرزىمدى جاۋىن جاۋىپ, نايزاعاي جارقىلداۋى ىقتيمال. وڭتۇستىك-شىعىستان سوعاتىن جەلدىڭ جىلدامدىعى 5-10 م/س قۇراماق. سىناپ باعاناسى تۇندە +17...+19°س, كۇندىز +27...+29°س كورسەتەدى.
ال جەكسەنبى 22 شىلدەدە اۋا تەمپەراتۋراسىنىڭ تومەندەۋى كۇتىلەدى. تۇندە جانە تاڭەرتەڭ جاڭبىر جاۋىپ, نايزاعاي ويناۋى مۇمكىن. سولتۇستىك-شىعىستان سوعاتىن جەلدىڭ ەكپىنى 5-10 م/س, كەيدە 15 م/س جەتەدى. اۋا تەمپەراتۋراسى تۇندە +11...+13°س, كۇندىز +18...+20°س.