تۇركىستان وبلىسى تۇلكىباس پەن سايرام اۋداندارىنىڭ 72 ەلدى مەكەنىندە «شالقار» راديوسىنىڭ تاراتىلىمىن كەڭەيتۋ جۇمىستارى تولىق اياقتالدى. بۇل تۋرالى اقپارات جانە كوممۋنيكاتسيالار ءمينيسترى داۋرەن اباەۆ Facebook پاراقشاسىندا حابارلادى.
ء«بىزدىڭ مينيسترلىك قۇرىلعان ۋاقىتتان بەرى ەل تۇرعىندارى مەن دەپۋتاتتار ەلىمىزدىڭ شەكارالىق ايماقتارىنداعى وتاندىق راديو حابارلارىن تاراتۋ ماسەلەسىن شەشۋىمىزدى سۇراپ كوپتەگەن وتىنىشتەر جولدادى. بۇل ماسەلەنى شەشۋگە ءبىراز ۋاقىت كەرەك ەدى. بيىلعى جىلدىڭ ماۋسىم ايىندا تۇركىستان وبلىسى تۇلكىباس پەن سايرام اۋداندارىنىڭ 72 ەلدى مەكەنىندە, سونداي-اق ارىس قالاسىندا «شالقار» راديوسىنىڭ تاراتىلىمىن كەڭەيتۋ جۇمىستارى تولىق اياقتالدى. بۇل العاشقى قادامداردىڭ ءبىرى عانا. الداعى ۋاقىتتا شەكارالىق ايماقتاردا وتاندىق راديو حابار تاراتۋ جۇمىستارىن جالعاستىرا بەرەمىز», دەپ جازدى داۋرەن اباەۆ.