ترياتلوننان وتەتىن اشىق تۋرنيردە 300 ادام جارىسقا تۇسەدىاستانانىڭ 20 جىلدىعىنا وراي 28 شىلدەدە ەلوردادا ترياتلوننان اشىق قالالىق تۋرنير وتەدى. قاتىسۋشىلار ءجۇزۋ, ۆەلوسيپەدپەن ءجۇرۋ جانە جۇگىرۋ سياقتى ءۇش ءتۇرلى سايىستا كۇش سىناسادى.
«استانا-ترياتلون - 2018» شاراسىنا 18 جاستان اسقانداردىڭ بارلىعى قاتىسا الادى, دەپ حابارلايدى ەلوردا اكىمدىگىنىڭ رەسمي سايتى. «استانا-ترياتلون - 2018» شاراسىنا قاتىسۋشىلار استانا قالاسىنىڭ ترياتلون فەدەراتسياسىنىڭ http://triathlonastana.kz سايتىنا كىرىپ ونلاين ارقىلى الدىن الا تىركەلۋگە مىندەتتى. ستارتتىق پاكەت جارناسى - 5000 تەڭگە.
ستارتتىق پاكەتتەر ساعات تاڭعى 6:30-دا بەرىلە باستايدى. نەگىزگى جارىستار ساعات 8:00-گە بەلگىلەنىپ وتىر. وتەتىن ورنى: استانانىڭ ترياتلون ساياباعى. ترياتلوننان اشىق تۋرنيرگە قاتىسامىن دەۋشىلەر وزدەرىمەن بىرگە مىندەتتى تۇردە ۆەلوسيپەد پەن شلەمىن الا كەلۋى ءتيىس.
«قاتىسۋشىلار «استانا ترياتلون ساياباعى» اۋماعىنداعى ەسىل وزەنىنىڭ بويىمەن (750 مەتر) ءجۇزىپ وتەدى. سونىمەن قاتار, «استانا ترياتلون ساياباعى» اۋماعىنان «Astana Music Hall» تۇراعى ارقىلى ب. مومىش ۇلى ك-ءسى, سارايشىق ك-ءسى, شالقىما ك-ءسى, شارل دە گولل كوشەسىندەگى «كرىشا» مەيرامحاناسىنىڭ تۇراعىنا كىرۋ ارقىلى «استانا ترياتلون ساياباعى» اۋماعىنا دەيىنگى 20 شاقىرىمدى ۆەلوسيپەدپەن باعىندىرادى. ديستانتسيانىڭ سوڭىندا ولار «استانا ترياتلون ساياباعى» اۋماعىن 2 اينالىمنان تۇراتىن 5 شاقىرىمدىق جۇگىرۋ باعىتىن اياقتاپ مارەگە جەتەدى.
الاڭدا ورناتىلعان مەديتسينالىق پۋنكتتە ءاربىر قاتىسۋشى جارىسقا قاتىسۋعا دارىگەرلەردىڭ رۇقساتىن الادى. ۆەلوسيپەدكە ارنالعان دۋلىعاسى جوق قاتىسۋشىلار جارىسقا جىبەرىلمەيدى», - دەلىنگەن استانا قالاسى اكىمدىگىنىڭ مادەنيەت جانە سپورت باسقارماسىنىڭ حابارلاماسىندا.
ايتا كەتەيىك, جارىسقا جىبەرىلگەن قاتىسۋشىلار جاس ەرەكشەلىگى بويىنشا بەس توپقا بولىنەدى 18 – 29 جاس (ەرلەر, ايەلدەر); 30 – 39 جاس (ەرلەر, ايەلدەر); 40 – 49 جاس (ەرلەر, ايەلدەر); 50 – 59 جاس (ەرلەر, ايەلدەر); 60 جاس جانە ۇلكەن.
ءاربىر توپ بويىنشا جەڭىمپازدار قاشىقتىقتى ەڭ از ۋاقىتتا باعىندىرۋىنا قاراي انىقتالادى. حرونومەتراج ارنايى قوندىرعىنىڭ ارقاسىندا جەكە-جەكە بەلگىلەنەتىن بولادى. قاشىقتىقتى ەڭ از ۋاقىت ىشىندە ءجۇرىپ وتكەن قاتىسۋشى ءار توپتىڭ جەڭىمپازى بولادى.
ءار جاس ساناتىنىڭ 1, 2, 3 ورىن يەگەرلەرى سەرتيفيكاتتارمەن جانە باعالى سىيلىقتارمەن ماراپاتتالادى. «استانا-ترياتلون 2018» جارىسىنا قاتىسقان بارلىق سپورتشىلارعا مەدالدار تابىستالماق.