قىزىلوردا وبلىسىندا جىل باسىنان بەرى 228 مىڭ شارشى مەتر تۇرعىن ءۇي پايدالانۋعا بەرىلدى, بۇل تۋرالى ايماق باسشىسى قىرىمبەك كوشەرباەۆ وبلىستىق ءماسليحات سەسسياسىنىڭ كەزەكتى وتىرىسىندا مالىمدەدى.
بۇگىندە قىزىلوردا وبلىسىنىڭ اۋماعىندا 1726 پاتەرلىك 42 كوپقاباتتى تۇرعىن ءۇيدىڭ قۇرىلىسى جۇرگىزىلىپ جاتىر, ونىڭ 36-سى اعىمداعى جىلى پايدالانۋعا بەرىلەدى. ونىڭ ىشىندە قىزىلوردا قالاسىنداعى سىرداريا وزەنىنىڭ سول جاعالاۋىندا تولىق ءبىر شاعىن اۋدان – 16 كوپپاتەرلى تۇرعىن ءۇيدى بەرۋ جوسپارلانىپ وتىر.
ء«بىز بيىل 2017 جىلعا قاراعاندا كەم تۇسپەيتىن 667 مىڭ شارشى مەتر تۇرعىن ءۇيدى قولدانىسقا ەنگىزەمىز دەپ ەسەپتەپ وتىرمىز», - دەدى وبلىس اكىمى.
سونىمەن قاتار, بيىلعى مىندەت - وبلىستاعى حالىقتىڭ الەۋمەتتىك وسال توپتارىن مەيلىنشە قولجەتىمدى تۇرعىن ۇيمەن قامتاماسىز ەتۋ. وسى ماقساتتا 2017 جىلى «وردا» تۇرعىن ءۇي قۇرىلىسىنىڭ جول كارتاسى ازىرلەندى. ءبىرىنشى بولىپ باعدارلامانىڭ يگىلىگىن اپاتتى جاعدايداعى تۇرعىن ۇيلەر مەن جاتاقحانا تۇرعىندارى كورەتىن بولادى.