2018-2022 جىلدارى وبلىستا اگروكارتانى جۇزەگە اسىرۋعا ارنالعان ءىس-شارالار جوسپارىنىنىڭ شەڭبەرىندە اعىمداعى جىلى 7 ملرد. تەڭگەدەن استام سوماعا 10 ينۆەستيتسيالىق جوبا ىسكە قوسىلادى. بۇل تۋرالى وبلىستىق ءماسليحات سەسسياسىنىڭ وتىرىسىندا قىزىلوردا وبلىسىنىڭ اكىمى قىرىمبەك كوشەرباەۆ مالىمدەدى.
قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ بيىلعى جولداۋىندا اگرارلىق سالانىڭ الدىنا ەڭبەك ونىمدىلىگىن تۇبەگەيلى ارتتىرۋ جانە وندىرىلگەن ءونىم ەكسپورتىن ۇلعايتۋ - 2 ستراتەگيالىق مىندەتتى قويعانىن ايماق باسشىسى ەسكە سالدى. بۇل, ءوز كەزەگىندە, اگرارلىق سالانى جاڭا دەڭگەيگە كوتەرۋگە, اۋىلدىق جەرلەردى دامىتۋعا سەرپىن بەرىپ, اۋىل تۇرعىندارىنىڭ جۇمىسپەن قامتىلۋىن جانە لايىقتى ءومىر ءسۇرۋ جاعدايلارىن قامتاماسىز ەتۋگە مۇمكىندىك بەرەدى.
«وسى ماقساتتارعا جەتۋ ءۇشىن ءبىز اگروكارتانى ىسكە اسىرۋدا 2018-2022 جىلدارعا ارنالعان ءىس-شارالار جوسپارىن ازىرلەدىك جانە ماقۇلدادىق. جالپى, وسى ءىس-شارا اياسىندا اعىمداعى جىلى 7 ملرد تەڭگەدەن استام سوماعا 10 ينۆەستيتسيالىق جوبا ىسكە قوسىلادى », - دەدى وبلىس اكىمى.
اتاپ وتەيىك, سوڭعى بەس جىلدا ءجوو قۇرىلىمىندا اۋىل شارۋاشىلىعىنىڭ ۇلەسى 2,5% -دان 3,7% -عا دەيىن ءوستى, بۇل ءوڭىر ەكونوميكاسىنىڭ قۇرىلىمىنداعى ساپالى وزگەرىستەردى كورسەتەدى. وسى جىلداردا اۋىل شارۋاشىلىعىنىڭ نەگىزگى كاپيتالىنا ينۆەستيتسيالار 23 ەسەگە, تاماق ونىمدەرىندە 5 ەسەگە ءوستى. تەك بيىلعى جىلدىڭ وزىندە اۋىل شارۋاشىلىعىنىڭ نەگىزگى كاپيتالىنا سالىنعان ينۆەستيتسيا كولەمى 85%-عا, اۋىل شارۋاشىلىعى ونىمدەرىن ءوندىرۋ كولەمى 2,7%-عا, ازىق-ت ۇلىك ونىمدەرىن ءوندىرۋ كولەمى 15%-عا ارتسا, اۋىل شارۋاشىلىعى ونىمدەرى ەكسپورتى كولەمى ءونىمنىڭ زاتتاي كورىنىسىندە 66%-عا, ال, دوللار ەكۆيۆالەنتىمەن 7,3%-عا ءوستى.