قىزىلوردا قالالىق اۋرۋحاناسىندا جاڭادان الىنعان دەنسيتومەتر اپپاراتى بۋىن اۋرۋلارىن ەمدەۋدە جۇرتشىلىقتىڭ ىقىلاسىنا بولەنۋدە.
مەديتسينا قۇرالدارى ەرەكشە دامىعان وڭتۇستىك كورەيا ەلىنەن اكەلىنگەن قۇرىلعى بۋىن-سۇيەك اۋرۋلارىمەن اۋىرعان ناۋقاستارعا كومەگىن تيگىزىپ جاتىر.
- سۇيەكتىڭ تىعىز بولۋى ءۇشىن كالتسي ۇلكەن ءرول اتقارادى. سول سەبەپتى ونىڭ سۇيەكتەگى مولشەرىن ۇدايى انىقتاپ وتىرعان ابزال. بۇل اسىرەسە, ايەل ادامدار ءۇشىن اسا ماڭىزدى. دەنسيتومەتر اپپاراتى جالپى سۇيەكتىڭ مينەرالدى تىعىزدىعىن زەرتتەيدى. بۇرىن رەنتگەننىڭ كومەگىنە جۇگىنەتىن ەدىك. ونىڭ وزىندە تەك بولجالدى قورىتىندى جاسايتىنبىز. قازىر تاۋلىگىنە 15-كە جۋىق ناۋقاستى اپپاراتقا ءتۇسىرىپ جاتىرمىز,-دەيدى قىزىلوردا قالالىق اۋرۋحاناسىنىڭ دارىگەر-رەۆماتولوگى گۇلنازىم قوجاحمەت.
الداعى ۋاقىتتا قىزىلوردا قالالىق اۋرۋحاناسىنىڭ ماتەريالدىق بازاسى جاڭا قوندىرعىلارمەن كوبەيەدى.
باقتيار تايجان, «ەگەمەن قازاقستان»