بىلتىر مەملەكەت باسشىسى نۇرسۇلتان نازارباەۆتىڭ حالىققا جولداۋىندا ۇكىمەتكە «تسيفرلى قازاقستان» باعدارلاماسىن جۇزەگە اسىرۋ جۇكتەلگەنى ءمالىم.
ء«بىز تسيفرلى تەحنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋگە ءتيىسپىز. بۇل – ماڭىزدى كەشەندى مىندەت. ەلدە 3D-پرينتينگ, ونلاين-ساۋدا, ءموبيلدى بانكينگ, تسيفرلى قىزمەت كورسەتۋ سەكىلدى دەنساۋلىق ساقتاۋ, ءبىلىم بەرۋ ىسىندە قولدانىلاتىن جانە باسقا دا پەرسپەكتيۆالى سالالاردى دامىتۋ كەرەك. بۇل يندۋستريالار قازىردىڭ وزىندە دامىعان ەلدەردىڭ ەكونوميكالارىنىڭ قۇرىلىمىن وزگەرتىپ, ءداستۇرلى سالالارعا جاڭا ساپا دارىتتى», دەدى ەلباسى. «تسيفرلى قازاقستان» باعدارلاماسىنىڭ 4 نەگىزگى باعىتى بار.
ءبىرىنشى – اۋىل-ايماقتى كەڭ جولاقتى ينتەرنەتپەن قامتاماسىز ەتىپ, ەلىمىزدىڭ ترانزيتتىك مۇمكىندىكتەرىن ارتتىرۋ.
ەكىنشى باعىت – ەكونوميكانىڭ سالالارىنا (كولىك جانە لوگيستيكا, دەنساۋلىق ساقتاۋ, ءبىلىم بەرۋ, اۋىل شارۋاشىلىعى جانە ەلەكتروندى ساۋدا) تسيفرلى تەحنولوگيانى ەنگىزۋ.
ءۇشىنشىسى – مەملەكەتتىك ورگاندار جۇمىسىنىڭ ساپاسىن ارتتىرۋ.
ءتورتىنشى – IT مامانداردى دايارلاۋ.
ەلباسىمىزدىڭ جولداۋىنداعى ءبىرىنشى باعىتتى الساق, اۋىل-ايماقتى كەڭ جولاقتى ينتەرنەتپەن قامتاماسىز ەتىپ, ەلىمىزدىڭ ترانزيتتىك مۇمكىندىكتەرىن ارتتىرۋ بۇل بارلىق وڭىرلەرمەن بىرگە ءبىزدىڭ اۋدانىمىزعا دا ۇلكەن مۇمكىندىك بەرەدى. قاراپايىم عانا مىسال, سىمسىز تەلەفوندار, جەلىلىك تەلەارنا مەملەكەت تاراپىنان جاسالعان وسىنداي ءىس-ارەكەتتەردىڭ جەمىسى.
بۇل وزگەرىستەر ءبىزدىڭ كۇندەلىكتى ومىرىمىزدەن كورىنىس تاۋىپ وتىر. ماسەلەن, 90 جىلدىق تاريحى بار ارال يندۋستريالىق-تەحنيكالىق كوللەدجىندە دە «بايلانىس قۇراستىرۋشىسى كابەلشى» ماماندىعىندا ءبىلىم الۋشىلارعا بۇرىن بايلانىس جەلىسىندە مىس كابەلىمەن ۇيرەنسە, قازىرگى تاڭدا تالشىقتى-وپتيكالىق كابەلمەن ۇيرەنۋدە.
«تسيفرلى قازاقستان» باعدارلاماسىنىڭ تۇپكى ماقساتىنا تەرەڭ ۇڭىلە قاراساق, بۇل جەردە حالىقتىڭ ءومىر ءسۇرۋ دەڭگەيىن جوعارى ساتىعا كوتەرۋ, كوپتەگەن الەۋمەتتىك ماسەلەلەردىڭ وڭ شەشىمىن تابۋعا زور زاماناۋي مۇمكىنشىلىكتەر جاساۋ قاراستىرىلعان. قالا بەردى, ەلباسى ماقسات ەتىپ قويعان دامىعان وتىزدىقتىڭ ورتاسىنان ويىپ تۇرىپ ورىن الۋ جالپىحالىقتىق مىندەت. سوندىقتان باعدارلامانىڭ اياسىندا ۋاقىتتىڭ ۇدەسىنەن شىعۋ ءۇشىن جاڭا تالاپتارعا ساي ەڭبەك ەتۋ قاجەت.
نازاربەك نۇرمانوۆ,
ارال يندۋستريالىق-تەحنيكالىق كوللەدجىنىڭ
وندىرىستىك وقىتۋ شەبەرى
قىزىلوردا وبلىسى