استانادا تۋعان سابيلەرگە دومبىرا سىيعا بەرىلدى

«№1 پەريناتالدى ورتالىقتا بۇگىن ساعات 00:15-تە دۇنيەگە كەلگەن 4100 كەلى ۇل بالاعا كازاقتىڭ ۇلتتىق اسپابى تارتۋ ەتىلدى. سونىمەن قاتار, №2 پەريناتالدى ورتالىقتا ساعات 00:20-دا تۋعان قىز بالا دا ءوزىنىڭ العاشقى دومبىراسىن قابىلداپ الدى. ءۇشىنشى قالالىق پەريناتالدى ورتالىقتا دا جاڭا تۋعان ەكى ءسابيدىڭ انالارىنا ۇلتىمىزدىڭ قاسيەتتى اسپابى سىيعا بەرىلدى», - دەلىنگەن باسقارمانىڭ حابارلاماسىندا.

اتالعان اكتسيانىڭ ماقساتى - قازاقتىڭ ۇلتتىق اسپابى دومبىرانى ناسيحاتتاۋ ارقىلى ۇلتتىق مادەنيەتتى ساقتاۋ جانە جانداندىرۋ بولاتىن.

ەسكە سالا كەتسەك, مەملەكەت باسشىسى نۇرسۇلتان نازارباەۆ ۇلتتىق مادەنيەت پەن بىرەگەيلىكتى ساقتاۋ مەن قايتا جاڭعىرتۋ يدەياسىنىڭ توڭىرەگىندە قوعامدى ودان ءارى توپتاستىرۋ ماقساتىندا شىلدەنىڭ العاشقى جەكسەنبىسىن - ۇلتتىق دومبىرا كۇنى دەپ بەلگىلەۋ تۋرالى جارلىققا قول قويعان بولاتىن. اتالعان قۇجاتقا سايكەس بۇگىن قازاقستان جۇرتشىلىعى ۇلتتىق دومبىرا كۇنىن العاش رەت اتاپ وتۋدە.