وسى جىلى بارلىق مەملەكەتتىك اپپارات استانانىڭ سول جاعالاۋدا ورنالاسقان جاڭا اكىمشىلىك ورتالىققا قونىستاندى. قالا ەلوردا مارتەبەسىن العان جەتى جىل ىشىندە تۇرعىندارىنىڭ سانى ءوسىپ 541, 7 مىڭ ادامعا جەتتى. سونىمەن قاتار بۇل جىلى 1200 ورىندىق – بەس, 400 ورىندىق ءبىر ورتا مەكتەپ, 208 جانە 240 ورىندىق ەكى بالاباقشا پايدالانۋعا بەرىلدى.
5 قاڭتار – پرەزيدەنت نۇرسۇلتان نازارباەۆ استانا قالاسىنىڭ اكىمى ومىرزاق شوكەەۆتى قابىلداپ, وتكەن 2004 جىلى اتقارىلعان جۇمىستىڭ قورىتىندى ەسەبىن تىڭداپ, وعان وڭ باعا بەردى.
2 اقپان – مەملەكەت باسشىسى نۇرسۇلتان نازارباەۆ استانا اۋەجايىنىڭ جاڭا حالىقارالىق تەرمينالىنىڭ اشىلۋ سالتاناتىنا قاتىسىپ, نىساننىڭ ءىشىن ارالاپ كوردى. جولاۋشىلار تەرمينالىنىڭ عيماراتى بەس دەڭگەيدەن تۇرادى جانە 6 تەلەسكوپيالىق ساتىلارمەن جاراقتالعان. بارلىق ۇشاق تۇرلەرىن قابىلدايدى ءھام ءبىر مەزگىلدە 750 جولاۋشىنى وتكىزۋگە مۇمكىندىگى بار.
24 اقپان – ەلباسى ن.نازارباەۆ «استاناباسجوسپار» مەملەكەتتىك كوممۋنالدىق كاسىپورنىندا بولىپ, ەلوردادا سالىناتىن جاڭا عيماراتتاردىڭ جوبا-ماكەتىمەن تانىستى شىقتى. مەملەكەت باسشىسى مۇگەدەكتەر مەن قارتتارعا ارنالعان 410 ورىندىق ينتەرنات ءۇيىنىڭ جوبا-ماكەتىن ماقۇلداي وتىرىپ, «انا مەن بالا ورتالىعى» سيياقتى الەۋمەتتىك نىسانداردى سالۋ جونىندە تاپسىرما بەردى.
11 ناۋرىز – استانا تورىندە ورنالاسقان «قازاقستان» سپورت سارايىندا «سپورت – بارلىعىمىز ءۇشىن, سپورت – بەيبىتشىلىك ءۇشىن» اتتى رەسپۋبليكالىق فەستيۆالدىڭ اشىلۋ سالتاناتى ءوتتى.
22 ناۋرىز – ەسىل وزەنىنىڭ سول جاعالاۋىندا تاعى ءبىر ەڭسەلى عيمارات «نۇر استانا» مەشىتى پايدالانۋعا بەرىلدى. ونىڭ اشىلۋ سالتاناتىنا ەلباسى نۇرسۇلتان نازارباەۆ قاتىسىپ, 1994 جىلى ساۋدياعا بارعان ساپارىندا كورول فاھد بين ابدەل ءازيز سىيلاعان قاعبا جابىنىنىڭ ءبىر بولىگىن مەشىتكە سىيعا تارتتى.
8 ءساۋىر – استانالىق شىعارماشىلىق جاستاردىڭ «جاس بايتەرەك» فەستيۆالى باستالدى. ەكى كۇنگە سوزىلعان فەستيۆالعا ەلورداداعى 10 جوعارى وقۋ ورنىنان 60 تالاپكەر قاتىسىپ, التى اتالىم بويىنشا باق سىنادى.
15 ءساۋىر – استانا قالاسىندا بەسىنشى رەت جاس تالانتتاردىڭ ءحىV «جاس قانات» رەسپۋبليكالىق كونكۋرسى باستالدى. وعان 13 ۇمىتكەر قاتىستى.
16 ءساۋىر – سىرتقى ىستەر مينيسترلىگى عيماراتى اشىلىپ, سالتاناتتى شاراعا پرەزيدەنت ن.نازارباەۆ قاتىستى. عيمارات قۇرىلىسىن شۆەدتىڭ «موبيتەكس» كومپانياسى جۇرگىزىپ, 2,5 جىل ىشىندە پايدالانۋعا بەرگەن ەدى.
24 ءساۋىر – قالادا سالىنىپ جاتقان بىرقاتار نىساندار مەن مەكەمەلەردى ارالاعان مەملەكەت باسشىسى نۇرسۇلتان نازارباەۆ ءبىرىنشى كەزەكتە ەسىلدىڭ سول جاعالاۋىندا بوي كوتەرگەن «نۇرسايا» تۇرعىن ءۇي كەشەنىمەن تانىستى.
19 مامىر – استانادا بەلارۋس رەسپۋبليكاسى ەلشىلىگىنىڭ رەسمي اشىلۋ سالتاناتى بولدى. سالتاناتتى شاراعا قوس ەلدىڭ باسشىلارى قاتىستى. ەلشىلىك ورنالاسقان عيمارات ءحىح عاسىردا سالىنعان ساۋلەت ونەرىنىڭ ەسكەرتكىشى بولىپ تابىلادى.
10 ماۋسىم – استانا كۇنىنە وراي ەلباسى نۇرسۇلتان نازارباەۆتىڭ «ەۋرازيا جۇرەگىندە» اتتى كىتابىنىڭ تۇساۋكەسەر ءراسىمى ءوتتى.
10 ماۋسىم – قاجىمۇقان مۇڭايتپاسوۆ اتىنداعى ورتالىق ستاديوندا استانا كۇنىنە ارنالعان «استانا – مەنىڭ شابىتىم» اتتى مەرەكەلىك قويىلىم مەن «تاريح كەرۋەنى» اتتى شەرۋ ءوتتى.
5 شىلدە – استانادا وتكەن شىۇ-عا مۇشە مەملەكەت باسشىلارىنىڭ سامميتىندە تەرروريزمگە, سەپاراتيزم مەن ەكسترەميزمگە قارسى كۇرەستەگى ىنتىماقتاستىق تۇجىرىمداماسى بەكىتىلدى
26 شىلدە – ۇلى جەڭىستىڭ 60 جىلدىعىنا وراي سوعىس جانە تىلدا ەڭبەك ەتكەن ارداگەرلەرگە كومەك كورسەتۋ ماقساتىندا ۇيىمداستىرىلعان «جەڭىس» مەرەكەلىك پويىزى سوڭعى ايالداما ەلوردا تورىنە كەلىپ تابان تىرەدى.
10 تامىز – «مەملەكەتتىڭ ناقتى ارىپتەسى رەتىندە ء«ۇشىنشى سەكتوردىڭ» دامۋى جانە نىعايۋى» دەگەن تاقىرىپتا استانا قالاسىندا ۇكىمەتتىك ەمەس ۇيىمداردىڭ ايماقتىق فورۋمى باستالدى.
30 قىركۇيەك – ەلوردا تورىندە ەلىمىزدەگى بىرلەسكەن جوعارى وقۋ ورىندارىنىڭ ءبىرى – قازاقستان-رەسەي ۋنيۆەرسيتەتىنىڭ جاڭا وقۋ عيماراتى پايدالانۋعا بەرىلدى.
1 قاراشا – استاناداعى «الاتاۋ» سپورت سارايىندا «يندۋستريالىق-يننوۆاتسيالىق قازاقستان» ستراتەگياسىن جۇزەگە اسىرۋدىڭ العاشقى كەزەڭىنىڭ اياقتالۋىنا بايلانىستى كورمە اشىلدى.
1 جەلتوقسان – ەلباسى ن.نازارباەۆ تۇركيانىڭ «ريكسوس» وتەلدەر جۇيەسى مەن رەسەيدىڭ «كوالكو» كومپانياسى جانە ەلىمىزدىڭ باسقا دا فيرمالارىنىڭ قارجىلاندىرۋىمەن استانادا سالىنعالى وتىرعان ەڭ ۇلكەن ويىن-ساۋىق ورتالىعىنىڭ العاشقى ىرتەتاسىن قالاۋ راسىمىنە قاتىستى.
14 جەلتوقسان – استانادا وتكەن اگروونەركاسىپ ماسەلەلەرى جيىنىندا اۋىل جىلدارى قورىتىندىلاندى. ونىڭ جەتىستىكتەرىن ايماقتاردان كەلگەن وكىلدەر جوعارى باعالادى.
دايىنداعان بەكەن قايرات ۇلى,
«ەگەمەن قازاقستان»