قر ءسىم-دە ءمينيستردىڭ ورىنباسارى ەرجان اشىقباەۆتىڭ رەسەيدىڭ قازاقستانداعى ەلشىسى الەكسەي بوروداۆكينمەن كەزدەسۋى ءوتتى.
كەزدەسۋ بارىسىندا ديپلوماتتار ەكىجاقتى ىقپالداستىقتىڭ جانە حالىقارالىق كۇن ءتارتىبىنىڭ وزەكتى ماسەلەلەرىن تالقىلادى.
ديپلوماتتار اۋعانستانداعى جاعدايدى تۇراقتاندىرۋ بويىنشا حالىقارالىق كواليتسيانىڭ كۇش-جىگەرىنە قازاقستاننىڭ كورسەتىپ جاتقان قولداۋىنا ەرەكشە كوڭىل ءبولدى.
كەزدەسۋدە قارۋسىزدانۋ, بۇۇ-نىڭ ادام قۇقىعى بويىنشا كەڭەسىن رەفورمالاۋ جانە بۇل سالاداعى ەكى ەل ارەكەتتەستىگىنىڭ پەرسپەكتيۆالارى ماسەلەلەرى, سونداي-اق الداعى ۋاقىتتا وتەتىن كوپجاقتى ءىس-شارالارجان-جاقتى تالقىلاندى.
سونىمەن قاتار, ديپلوماتتار قازىرگى اقش پەن رف اراسىنداعى ەكىجاقتى قارىم-قاتىناستاردىڭ جاعدايىن قوزعادى. رەسەي مەن اقش اراسىنداعى قاقتىعىس باسقا ەلدەرگە دە اسەرىن تيگىزەتىنىن ەسكەرە وتىرىپ, ە.اشىقباەۆ ەكى مەملەكەتتىڭ ورتاق ۇندەسۋگە كەلۋ مۇمكىندىگىنە سەنىم ءبىلدىردى.
تاراپتار حالىقارالىق قاۋىپسىزدىك جانە وزگە دە وزەكتى پروبلەمالار بويىنشا ديالوگتى جالعاستىرۋ جونىندە كەلىسىمگە كەلدى.