ماڭعىستاۋ وبلىسىنىڭ اكىمى ەرالى توعجانوۆ Dubai Port World ء(باا) ءىرى پورت وپەراتورىنىڭ باسقارۋشى ديرەكتورى ريزۆان سوومارمەن (Rizwan Soomar) كەزدەستى.
ەكى جاقتى كەزدەسۋ بارىسىندا ماڭعىستاۋ وبلىسىنىڭ ايماعىندا قولدانىستاعى تەڭىز ايلاقتارىن باسقارۋ تيىمدىلىگىن ارتتىرۋ ماقساتىندا كومپانيامەن ىنتىماقتاستىق, كولىك-لوگيستيكالىق جۇيەنى جاڭعىرتۋ جانە دامىتۋ سالاسىنداعى بىرلەسكەن ينۆەستيتسيالىق جوبالاردى ىسكە اسىرۋ ماسەلەلەرى تالقىلاندى. Dubai Port World كومپانياسىنىڭ وزىق تەحنولوگيالارى مەن تاجىريبەسى 80-نەن استام الەمدىك پورتتار مەن تەرمينالداردا قولدانىلادى. «قورعاس-شىعىس قاقپاسى» ارنايى ەكونوميكالىق ايماعىن باسقارۋ سالاسىندا دا اتالمىش كومپانيانىڭ تاجىريبەسىن ەنگىزىلگەن.
ماڭعىستاۋ وبلىسىنىڭ ترانزيتتىك الەۋەتىن لوگيستيكالىق حاب رەتىندە دامىتۋ ءۇشىن بيىلعى جىلدىڭ ناۋرىز ايىندا «اقتاۋ تەڭىز پورتى» اەا مەن DP World كومپانياسىنىڭ اراسىنداعى ستراتەگيالىق ارىپتەستىك تۋرالى ەكىجاقتى كەلىسىمگە قول قويىلدى.
كەزدەسۋ بارىسىندا وبلىس باسشىسى ساپاردىڭ ماڭىزدىلىعىن اتاپ ءوتتى. سونىمەن قاتار, ەرالى توعجانوۆ ءىرى ەميراتتىق كومپانيامەن بىرلەسكەن ينۆەستيتسيالىق جوبالاردى جۇزەگە اسىرۋعا دايىن ەكەنىن ايتتى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى