«نۇر وتان» پارتياسى ماڭعىستاۋ وبلىستىق فيليالى مەملەكەتتىك قىزمەتشىلەردى جانە ىشكى ىستەر ورگاندارى مەن ءتارتىپ ساقشىلارىن كاسىبي مەرەكەسىمەن قۇتتىقتاپ, ماراپاتتادى. بەيرەسمي شاراعا «نۇر وتان» پارتياسى ماڭعىستاۋ وبلىستىق فيليالىنىڭ قىزمەتكەرلەرى, پارتيا ارداگەرلەرى, قوعامدىق كەڭەس مۇشەلەرى, قوعام قايراتكەرلەرى, مەملەكەتتىك قىزمەتكەرلەر, «جاس وتان» جق مۇشەلەرى, پوليتسيا قىزمەتكەرلەرى جانە باق وكىلدەرى قاتىستى.
شارانى جۇرگىزگەن «نۇر وتان» پارتياسى ماڭعىستاۋ وبلىستىق فيليالىنىڭ توراعا ورىنباسارى تۇمىشەۆ نۇري لازار ۇلى مەملەكەتتىك قىزمەتكەرلەر مەن پوليتسيا قىزمەتكەرلەرىن كاسىبي مەرەكەسىمەن قۇتتىقتادى.
-وبلىستىڭ قارقىندى دامۋى سىزدەردىڭ ماماندىقتارىڭىزعا, تاجىريبەلەرىڭىزگە, ۇمتىلىستار مەن جiگەرىڭىزگە تىكەلەي بايلانىستى. بۇگىندە مەملەكەتتىك قىزمەتكەرلەر ءۇشىن جاقسى جاعداي جاسالىپ, وسىعان سايكەس, تالاپتار دا كۇشەيە ءتۇستى. تيىسىنشە, اتقارىلاتىن ىستەردىڭ ساپاسى دا جاقسارا تۇسەدى دەپ سەنەمىز.
قۇرمەتتى ىشكى ىستەر ورگاندارىنىڭ قىزمەتكەرلەرى جانە ءتارتىپ ساقشىلارى! سىزدەردى «23 ماۋسىم – قازاقستان پوليتسياسى كۇنى» مەرەكەسىمەن قۇتتىقتايمىز. قوعامدىق ءتارتىپتى قالىپتاستىرۋ, ەل تىنىشتىعىن قورعاۋ جولىنداعى قاجىرلى ەڭبەكتەرىڭىزگە ساتتىلىك تىلەيمىز. ءاردايىم انتتارىڭىزعا ادال بولىپ, ەل قورعانى دەگەن اتاققا ابىرويلى قىزمەت ەتە بەرىڭىزدەر!, -دەپ جينالعان قاۋىمعا ىستىق ىقىلاسىن ءبىلدىردى.
شارا بارىسىندا ماڭعىستاۋ وبلىستىق باسقارما باسشىلارىنا ءسوز بەرىلىپ, ولاردىڭ كاسىبي باسپالداعى جونىندە جانە باسقا دا رۋحاني اڭگىمەلەر ايتىلدى. م. وسكىنباي ۇلى اتىنداعى ماڭعىستاۋ وبلىستىق فيلارمونيادان كەلگەن ونەرپازدار كۇي تارتىپ, ءان شىرقادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى