قازاقستان پارلامەنتى سەناتى مەن رەسەي فەدەراتسياسى فەدەراتسيا كەڭەسىنىڭ اراسىنداعى ىنتىماقتاستىق جونىندەگى كوميسسياسىنىڭ 12-ءشى وتىرىسى اياسىندا قازاقستان مەن رەسەي پارلامەنتتەرى جوعارعى پالاتالارىنىڭ دەلەگاتسيالارى التاي ولكەسىندەگى بەلوكۋريحا قالاسىندا كەزدەسۋ وتكىزدى, دەپ حابارلايدى پالاتانىڭ ءباسپاسوز قىزمەتى.
تاراپتار بىرىڭعاي ەكونوميكالىق كەڭىستىك اياسىندا شەكارا ماڭىنداعى ىنتىماقتاستىقتى جانە ءتۋريزمدى دامىتۋ ماسەلەلەرىن تالقىلادى. دەلەگاتسيا مۇشەلەرى قازاقستان مەن رەسەي قاتىناستارىنداعى تسيفرلىق كۇن ءتارتىبى تۋرالى بايانداما تىڭدادى.
ەكى ەلدىڭ سەناتورلارى ەكىجاقتى بايلانىستاردى نىعايتۋ ءۇشىن پارلامەنتارالىق ءوزارا ءىس-قيمىلدىڭ ماڭىزدىلىعىن اتاپ ءوتتى. تاراپتار تالقىلانىپ وتىرعان ماسەلەلەرگە كوزقاراستاردىڭ ورتاقتىعى تۋرالى ايتا كەلىپ, ءوزارا ءىس-قيمىلدىڭ بارلىق سالالارى بويىنشا ىنتىماقتاستىقتى جالعاستىرۋ تۋرالى ايتتى.
قازاقستان دەلەگاتسياسىنىڭ باسشىسى, پارلامەنت سەناتى توراعاسىنىڭ ورىنباسارى, سەنات پەن فەدەراتسيا كەڭەسى اراسىنداعى ىنتىماقتاستىق جونىندەگى كوميسسيانىڭ تەڭ توراعاسى سەرگەي گروموۆ كەزدەسۋدىڭ ناتيجەلى بولعانى تۋرالى ايتا كەلىپ, رەسەيلىك ارىپتەستەردى كوميسسيانىڭ كەلەسى 13-ءشى وتىرىسىن وتكىزۋگە قازاقستانعا شاقىردى.