ازيا اۋىر اتلەتيكا فەدەراتسياسىنىڭ اتقارۋ كوميتەتىنىڭ وتىرىسىندا قازاقستاننىڭ اۋىر اتلەتيكا فەدەراتسياسى ەل اۋماعىندا 2020 جىلعى قۇرلىقتىق چەمپيوناتتى وتكىزۋ تۋرالى نيەتىن راستادى, دەپ حابارلايدى فەدەراتسيانىڭ ءباسپاسوز قىزمەتى.
سونداي-اق, وتىرىس كەزىندە ازيا قۇرلىعىندا اۋىر اتلەتيكانى دامىتۋ ماسەلەسى, 2018 جىلعى جازعى ازيا ويىندارىنا جانە 2019 جىلى ءۇندىستاندا وتەتىن ازيا چەمپيوناتىنا دايىندىق بارىسى تالقىلاندى.
شارا بارىسىندا قازاقستاندىق تاراپ IWF جانە AWF باسشىلىعىمەن كەزدەسۋ وتكىزدى. وندا قازاقستان 2020 جىلعى وليمپيادا ويىندارىنىڭ كۆاليفيكاتسيالىق ەرەجەلەرىنە سايكەس كۆوتا كولەمىن قىسقارتۋ ماسەلەسىنە قاتىستى ءوز پىكىرىن ءبىلدىردى. 2004, 2009 جانە 2013 جىلدارى ءۇش مارتە قۇرلىق بىرىنشىلىگى قازاقستاندا وتكەن بولاتىن.