قر پرەمەر -ءمينيسترىنىڭ ءبىرىنشى ورىنباسارى اسقار مامين پاۆلودار جانە شىعىس قازاقستان وبلىستارىنىڭ ينفراقۇرىلىمدىق جانە يندۋستريالىق جوبالارىنىڭ جۇزەگە اسىرىلۋ بارىسىن تەكسەردى, دەپ حابارلايدى قر پرەمەر-ءمينيسترىنىڭ ءباسپاسوز قىزمەتى.
قر پرەمەر-ءمينيسترىنىڭ ءبىرىنشى ورىنباسارى اسقار مامين ىسساپارمەن پاۆلودار, شىعىس قازاقستان وبلىستارىندا ءىسساپاردا بولىپ, «ورتالىق-شىعىس» اۆتوكولىك جولى مەن وڭىردەگى يندۋستريالىق جوبالاردىڭ جۇزەگە اسىرىلۋ بارىسىمەن تانىستى.
ا. مامين «قازاۆتوجول» ۇك» اق قىزمەت كورسەتۋ نىساندارىنىڭ جۇمىسى جونىندەگى باسشىلىعىنىڭ جانە مەردىگەرلىك مەكەمەلەردىڭ ەسەبىن تىڭداپ, رەسپۋبليكالىق ماڭىزدى «استانا-پاۆلودار» اۆتوجولى ماگيسترالىنداعى, «ورتالىق-شىعىس» اۆتوكولىك دالىزىندەگى قۇرىلىس بارىسىمەن ءجۇرىپ ءوتىپ, جەتە تانىسىپ, رەسپۋبليكالىق اۆتوكولىك جولى جەلىسىن دامىتۋ تۋرالى كەڭەس وتكىزدى. اقمولا, پاۆلودار, شىعىس قازاقستان وبلىستارى اۋماعىمەن وتەتىن رەسپۋبليكالىق ماڭىزدى جولدار 7 345 شاقىرىمدى قۇرايدى. «قازاۆتوجول» ۇك» اق مەن مەردىگەرلىك مەكەمەلەردىڭ باسشىلارىنىڭ بايانداۋىنشا, قازىرگى تاڭدا «ورتالىق-شىعىس» كولىك ءدالىزىنىڭ 404 شاقىرىمى پايدالانۋعا بەرىلگەن. ءالى دە 501 شاقىرىمىنا جوندەۋ جانە جاڭعىرتۋ جۇمىستارى جۇرگىزىلەدى.
بارلىق قۇرىلىس جۇمىستارى بەلگىلەنگەن كەستەمەن جۇرگىزىلۋدە. سونداي-اق, ا. مامين جول بويىنداعى قىزمەت كورسەتۋ نىساندارىنىڭ جاعدايىن قارادى. ولاردىڭ جۇمىستارىنا وڭ باعا بەردى. رەسپۋبليكالىق ماقساتتتاعى اقمولا, پاۆلودار جانە شىعىس قازاقستان وبلىستارىنىڭ اۋماعىنداعى جول بويىندا ا,ۆ, س, D دارەجەسىنە جاتاتىن 530 نىسان ورنالاسقان.
2018 جىل اياعىنا دەيىن ولاردىڭ 16 نىسانى پايدالانۋعا بەرىلەدى. قر پرەمەر-ءمينيسترىنىڭ ءبىرىنشى ورىنباسارى استانا 28 شاقىرىمدىق اينالما جولىنداعى «Kazway» مودۋلدىك تۇرىمەن تانىستى. پاۆيلون زاماناۋي اۋا باپتاعىش, بەينەباقىلاۋ, سىمسىز wi-fi جەلىسىمەن باسقا دا زاماناۋي تەحنولوگيالارمەن جابدىقتالعان. جىل اياعىنا دەيىن وسىنداي مودۋلدىك پاۆيلوندارمەن استانا-شورتاندى, استانا-تەمىرتاۋ, الماتى-قاپشاعاي, بۋراباي اينالما جولى, استانا اينالما جولى قامتاماسىز ەتىلەدى.
ينسپەكتسيالىق تەكسەرۋ قورىتىندىسى بويىنشا پرەمەر - ءمينيستردىڭ ءبىرىنشى ورىنباسارى «قازاۆتوجول» ۇك» اق-ىنا بيىلعى جىلى «ورتالىق-شىعىس» كولىك ءدالىزىنىڭ 905 شاقىرىمىندا قوزعالىستى اشۋىن, ال 2019 جىلى جوبانى اياقتاۋدى تاپسىردى. وڭىرگە جۇمىس ساپارى بارىسىندا ا. مامين ەكىباستۇزداعى بوزشاكول تاۋ-كەن بايىتۋ كومبيناتىندا بولىپ, مىس ءونىمىن شىعارۋدىڭ تەحنولوگيالىق ۇدەرىسىمەن تانىستى. پرەمەر- ءمينيستردىڭ ءبىرىنشى ورىنباسارى پاۆلودار اەا اۋماعىنا ورنالاسقان نىساندارمەن ەكىباستۇزداعى «پرومماشكومپلەكت» جشس كاسىپورنى جۇمىسىمەن تانىستى. پاۆلودار مۇنايحيمياسى زاۋىتىندا ا. مامينگە كاسىپورىننىڭ وتكەن جىلى جاڭعىرتىلعانى باياندالدى. سونىڭ ناتيجەسىندە, شيكى مۇناي وڭدەۋ ۇلعايدى.
موتور مايلارى بەنزين ك-4 ستاندارتىنا سايكەستەنسە, ديزەل وتىنىنىڭ ساپاسى ك-5 دارەجەسىنە جەتكىزىلدى. وسى جوبا اياسىندا قۋات ۇنەمدىلىگى مەن ەكولوگيالىق تازا تەحنولوگيا, اۆتوماتتاندىرىلعان باسقارۋ جۇيەسى, تابيعي رەسۋرستاردى ۇنەمدى پايدالانۋ ارقىلى قورشاعان ورتانى قورعاۋ شارالارىنىڭ تيىمدىلىگى كوتەرىلدى. قر پرەمەر-ءمينيسترىنىڭ ورىنباسارى اسقار مامين ىسساپارمەن شىعىس قازاقستان وبلىسىنا ساپارى بارىسىندا قورعانىس جانە ازاماتتىق ماقساتتاعى ونىمدەردى شىعارىپ, وعان تەحنيكالىق قىزمەت كورسەتەتىن «سەمەي ينجينيرينگ» اق وندىرىستىك كاسىپورنىنىڭ قۋاتىمەن, سەمەي ماشينا جاساۋ زاۋىتىنىڭ جۇمىسىمەن تانىستى.
«باقىرشىق تاۋ-كەن ءوندىرۋ كاسىپورنى» جشس جۇمىسىمەن تانىسۋ بارىسىندا ا. مامينگە 2018 جىلى جاڭا كەن بايىتۋ ءوندىرىسى ىسكە قوسىلاتىندىعى باياندالدى. قر پرەمەر-ءمينيسترىنىڭ ءبىرىنشى ورىنباسارى سەمەي قالاسىنا ساپارىندا قالانىڭ جىلۋ ورتالىقتارى مەن ماگيسترالدىق جىلۋ جەلىلەرىنىڭ تەحنولوگيالىق قۇرىلعىلارىن جاڭعىرتۋ جۇمىستارى جاسالىپ جاتقاندىعىن كوردى. وڭىرگە ساپارى كەزىندە ا. مامين «قاراعايلى» جاڭا شاعىن اۋدانى مەن «نۇرلى جەر» باعدارلاماسى اياسىنداعى سالىنعان ۇيلەردى, 320 ورىندىق بالاباقشانى كورىپ تانىستى.