بۇعان دەيىن قاراعاندى وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ جەتەكشىسى بولىپ قىزمەت ەتكەن قايرات بەگىموۆ جەزقازعان قالاسىنىڭ اكىمى بولىپ تاعايىندالدى. قالانىڭ جاڭا باسشىسىن اكتيۆكە قاراعاندى وبلىسىنىڭ اكىمى ەرلان قوشانوۆ تانىستىردى, دەپ حابارلايدى وبلىس اكىمىنىڭ ءباسپاسوز قىزمەتى.
«قر پرەزيدەنتى اكىمشىلىگىنىڭ كەلىسىمى, مەنىڭ وكىمىم, قالالىق ءماسليحاتتىڭ كەلىسىمى بويىنشا قايرات بەگىموۆ جەزقازعان قالاسىنىڭ اكىمى بولىپ سايلاندى. قايرات باياندى ۇلىنىڭ ەڭبەك جولى نەگىزىنەن كوممۋنالدىق سالا جانە قۇرىلىسپەن بايلانىستى بولدى. سول سەبەپتى جەزقازعان قالاسىنىڭ اكىمى قىزمەتىنە ۇمىتكەرلەردى قاراعان كەزدە ءبىز قالانىڭ نەگىزگى ماسەلەلەرى تۇرعىن ءۇي-كوممۋنالدىق شارۋاشىلىعىمەن بايلانىستى ەكەنىن ەسكەردىك», - دەدى ەرلان قوشانوۆ.
جەزقازعاننىڭ بۇرىنعى اكىمى باتىرلان احمەتوۆ وز ەركىمەن قىزمەتىنەن كەتكەن بولاتىن. قر پرەزيدەنتى جارلىعىمەن بەكىتىلگەن تاعايىنداۋ تارتىپتەرىنە سايكەس, جاڭا قالا جەتەكشىسىنىڭ ۇمىتكەرلىگى كەزەكتەن تىس سەسسيادا جەرگىلىكتى ءماسليحات دەپۋتاتتارىنا ۇسىنىلدى. دەپۋتاتتار ءبىراۋىزدان ۇمىتكەر قايرات بەگىموۆتى قولدادى.
قايرات باياندى ۇلى 1968 جىلى 23 اقپاندا قاراعاندىدا تۋعان. ەكى جوعارعى ءبىلىمى بار. 1992 جىلى قاراعاندى پوليتەحنيكالىق ينستيتۋتىن, 2004 جىلى الماتى ەكونوميكا جانە ستاتيستيكا اكادەمياسىن «ونەركاسىپ كولىگىنىڭ ينجەنەرى», «قىزمەتكەرلەردى باسقارۋشى, ەكونوميست» ەڭبەك جولىن «قاراعاندى كومىر» بىرلەستىگىندە جەكەشەلەندىرۋ جانە تۇرعىن ءۇي ءبولىمىنىڭ باسشىسى بولىپ باستاعان. كەيىن قاراعاندى اۋداندارىنىڭ بىرىندە تۇكش ءبولىمىن باسقارعان. وكتيابر اۋدانىنىڭ اكىمى, قاراعاندى اكىمىنىڭ كوممۋنالدىق ماسەلەلەر بويىنشا ورىنباسارى, قاراعاندى وبلىسى قۇرىلىس باسقارماسىنىڭ جەتەكشى ورىنباسارى بولىپ قىزمەت ەتتى.
تاعايىنداۋعا دەيىن 2015 جىلدىڭ شىلدە ايىنان باستاپ قاراعاندى وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىق باسقارماسىنا باسشىلىق ەتتى.