وتپەن كۇرەسكەن ون جەتى جىل

ول 1997 جىلى اقمولا اگرار­لىق ۋنيۆەرسيتەتىنىڭ ينجە­نەرلىك-پە­داگوگيكالىق فاكۋلتەتىن بىتىر­گەن سوڭ سولتۇستىك قازاقستان وب­لىسىنىڭ تسەليننىي اۋدا­نىن­داعى ستاۆروپولكا اۋىلىن­دا «نامىس» جشس-نىڭ ماشينا-تراكتور پاركىن پايدالانۋ جونىندەگى ينجەنەر بولىپ ەڭبەك جولىن باستادى. ودان سوڭ رۋزاەۆ اتىنداعى №12 كاسىپتىك-تەحنيكالىق مەك­­تەبىن­دە جول ەرەجەسى مەن تەحني­كا قاۋىپسىزدىگى نەگىزدەرى پا­نى­نەن ساباق بەردى. ءسويتىپ جۇر­گەن­دە سولتۇستىك قازاقستان وب­لىسى مەملەكەتتىك ورتكە قار­سى قىزمەت باسقارماسىنىڭ تسە­ليننىي اۋدانى, رۋزاەۆ سەلوسىنداعى 16-ءوسب-نە ءورتتىڭ الدىن الۋ ينسپەكتورى قاجەت بولىپ جاتقانى تۋرالى حاباردى ەستيدى. ال لەونيدتىڭ اقمولا اگرارلىق ۋنيۆەرسيتەتىندە اسكەري كافەدرانى بىتىرگەندىكتەن, لەيتەنانت شەنى بولاتىن. ءسويتىپ جوعارى ءبىلىمى مەن وفيتسەرلىك اتاعى بار بولعاندىقتان, بارلىق تالاپتارعا سايكەس كەلىپ, 2000 جىلى قىركۇيەكتە ول ءورتتىڭ الدىن الۋ توبىنىڭ ينسپەكتورى رە­تىندە قىزمەتكە ورنالاستى. بۇل ونىڭ ىشكى ىستەر سالاسىنداعى ەڭبەك جولىنىڭ باستاۋى بولاتىن. لەونيدتىڭ العاشقى تىكە­لەي جەتەكشىسى جانە ۇستازى, سول كەز­دە رۋزاەۆ سەلوسىنداعى ورت­تەن قورعاۋ بەكەتىنىڭ باستىعى بول­عان ىشكى قىزمەت مايورى ۆ.گاليۋكەۆيچ ەدى. لەونيد تالىمگەردىڭ كومەگىمەن نورماتيۆتىك قۇجاتتامالاردى ۇيرەنە وتىرىپ, جاڭا كاسىپتى تەز ارادا يگەردى. ول قىسقا مەرزىم ىشىندە ءورتتىڭ الدىن الۋ سالاسى بويىنشا بىلىكتى مامانعا اي­نالدى. «مەملەكەتتىك ءورت با­قى­­لاۋدىڭ ۇزدىك ينسپەكتورى» اتا­عى­نا ارنالعان وبلىستىق باي­قاۋ­لارعا بىرنەشە مارتە قاتىسىپ, جارىس جەڭىمپازى اتاندى.

كاسىبي دەڭگەيىن ودان ءارى كوتەرۋ ءۇشىن لەونيد 2002 جىلى تجم كوكشەتاۋ تەحنيكالىق ينستيتۋتىنا ءتۇسىپ, 2005 جىلى ونى جاقسى اياقتاپ, ەكىنشى جوعارى ءبىلىم الدى. ال 2008 جىلدان بەرى لەونيد الەكساندروۆيچ عابيت مۇسىرەپوۆ اۋدانىنداعى رۋزاەۆ ءورت بەكەتىن باسقارىپ كەلەدى.

ازاماتتىق قورعاۋ مايورى ل.مۋنكو وسى جىلدار ىشىندە 300 رەت ءارتۇرلى ءورت وقيعالارىنا قا­تىستى. كەيدە ءورتتى جالعىز ءوزى سون­دىرگەن كەزدەرى دە بولعان. 2016-2018 جىلدارى ءوز ايماعىنداعى سۋ تاسقىنىنىڭ سالدارىن جويۋعا دا ءبىر كىسىدەي اتسالىستى.

العاشقى كۇندەردەن باس­تاپ ءورت ءسوندىرۋ قىزمەتى باس­شى­لى­عى مەن ارىپتەستەرى لەونيد مۋن­كونى جاۋاپتى دا ءوز ءىسىن ۇر­شىقشا يىرەتىن ازامات رەتىندە بى­لەدى. ارىپتەستەرى اراسىندا ول قۇر­مەتكە لايىق, بىرگە قىزمەت ەتە­تىن جانە ءوز قاراماعىنداعى ارىپ­تەستەرىنە ءاردايىم كومەك كور­سەتۋگە دايىن. بىرنەشە رەت ونىڭ ەڭبەكقورلىعى مەن كاسىپ­قوي­لىعى, قىزمەتتىك بورىشىن ادال اتقارۋى, سونداي-اق اۋىل­دىق وكرۋگتىڭ ومىرىنە بەلس­ەن­دى قاتىسقانى ەلەنىپ, ديپ­لوم­دارمەن جانە مەدالدارمەن ماراپاتتالدى.

اندرەي تسيحوۆيچ 

سولتۇستىك قازاقستان وبلىسى