6 جىلدان بەرى ۇيىمداستىرىلىپ كەلە جاتقان جەرلەسىمىز, داڭقتى ۆەلوشاباندوز, لوندون وليمپياداسىنىڭ چەمپيونى الەكساندر ۆينوكۋروۆ اتىنداعى كوپكۇندىك حالىقارالىق ۆەلوجارىس ءوز مارەسىنە جەتتى.
توپتىق جانە جەكەلەي قاشىقتاردا 23 كوماندا قۇرامىنداعى 140-قا جۋىق سپورتشى باق سىناستى. رەسەي مەن وزبەكستاننىڭ جەلمەن جارىسقان ۆەلوشاباندوزدارى العاش رەت قاتىستى.
جەكەلەي سىندا سامارقاندتىق دميتري سيركو جەڭىستىڭ ەڭ بيىك تۇعىرىنا كوتەرىلدى. ول حالىقارالىق جارىسقا تۇڭعىش رەت قاتىسقانىنا قاراماستان قارسىلاستارىن شاڭ قاپتىردى. ەكىنشى, ءۇشىنشى ورىنداردى پەتروپاۆلدىق كيريلل ۆاگنەر مەن قاراعاندىلىق اندرەي ناليۆايكو ءبولىستى. كوماندالىق ەسەپتە الاڭ يەلەرى جەڭىمپاز اتاندى. ەكىنشى, ءۇشىنشى ورىنداردى سامارقاند جانە استانا قالالارىنىڭ كوماندالارى يەلەندى.
جەڭىمپازدار مەن جۇلدەگەرلەرگە ارنايى سىيلىقتار مەن ديپلومداردى وليمپيادا چەمپيونى ا. ۆينوكۋروۆ تاپسىردى.
ءومىر ەسقالي,
«ەگەمەن قازاقستان»