بۇگىن ۇكىمەت ۇيىندە قر ءبىلىم جانە عىلىم ۆيتسە-ءمينيسترى بيبىگۇل اسىلوۆانىڭ, قر بعم «ۇلتتىق تەستىلەۋ ورتالىعى» رمقك ديرەكتورى رامازان الىمقۇلوۆتىڭ قاتىسۋىمەن «پرەزيدەنتتىڭ بەس الەۋمەتتىك باستاماسىن» ىسكە اسىرۋ اياسىندا ستۋدەنت جاستاردىڭ باسپانا جاعدايلارىن جاقسارتۋ تۋرالى» ءباسپاسوز كونفەرەنتسياسى ءوتتى.
مەملەكەت باسشىسىنىڭ تاپسىرمالارىن ورىنداۋ اياسىندا ستۋدەنت جاستاردىڭ ءۇي-جاي جاعدايلارىن جاقسارتۋ بويىنشا بىرقاتار ماڭىزدى شارالار اتقارىلۋدا, سونىڭ ىشىندە زاڭنامالىق تۇرعىدان جەتىلدىرۋلەر بولىپ جاتىر.
ء«بىز جاتاقحانا ورىندارىنا قاجەتتىلىكتەردى انىقتادىق. بۇگىنگى تاڭدا قاجەتتىلىك شامامەن 83 مىڭ ورىندى قۇرايدى. ەڭ ۇلكەن ۇلەسى بويىنشا وڭتۇستىك قازاقستان وبلىسىنا – 11 مىڭ ورىننان, استانا قالاسىنا – 17 مىڭ جانە الماتى قالاسىنا – 23 مىڭ ورىننان كەلەدى», — دەدى قر ءبىلىم جانە عىلىم ۆيتسە-ءمينيسترى بيبىگۇل اسىلوۆا.
بۇدان وزگە, اكىمدىكتەرمەن بىرلەسە وتىرىپ, جاتاقحانالاردى سالۋعا جەر تەلىمدەرىن ءبولۋ جۇمىستارى جۇرگىزىلدى. قازىرگى تاڭدا ءبىلىم بەرۋ مەكەمەلەرىنىڭ اۋماعىندا نەمەسە ولارعا جاقىن ماڭداعى جەرلەردەن 134 جەر تەلىمى بولىنگەن.
«سونداي-اق, ءبىز جاتاقحانالار قۇرىلىسىنىڭ مەحانيزمىن انىقتادىق. ول ايتارلىقتاي قاراپايىم ءارى تۇسىنىكتى. قۇرىلىس سالۋشى جاتاقحانا جوباسىن ازىرلەيدى. كەيىن قارجى ورتالىعىمەن مەملەكەتتىك تاپسىرىستى الۋ ءۇشىن كەلىسىمشارت جاساسادى. بۇدان سوڭ بانكتەن قارىز الادى. جاتاقحانانى پايدالانۋعا بەرگەننەن سوڭ مەملەكەتتەن وتەماقى تولەمدەرىن الادى», — دەپ مالىمدەدى ۆيتسە-مينيستر.
جاتاقحانالار جوبالارىن ازىرلەۋ ءراسىمىن جەڭىلدەتۋ ءۇشىن قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى ۇلگىلىك جوبا ازىرلەدى, ول بۇگىندە بارلىق اكىمدىكتەرگە تاراتىلعان.
سونىمەن قاتار قر بعم مۇددەلى مەملەكەتتىك ورگاندارمەن بىرلەسە وتىرىپ, بيزنەستىڭ جول كارتاسىنا جاتاقحانالار قۇرىلىسىن قوسۋ ارقىلى بانكتەردە نەسيەلەر بويىنشا پايىزدىق مولشەرلەمەنى تومەندەتۋ ماسەلەسىن پىسىقتاپ جاتىر.
«اتالعان مەحانيزمدى بيزنەس قاۋىمداستىعى مەن ءبىلىم بەرۋ ۇيىمدارى ماقۇلداعان. مينيسترلىك, «اتامەكەن» ۇكپ, استانا قالاسىنىڭ اكىمدىگى نەگىزىندە بىرنەشە رەت كەڭەستەر وتكىزىلدى.
بۇعان قوسا, بارلىق قاجەتتىلىكتەر ەسكەرىلگەن ينتەراكتيۆتى كارتا ازىرلەنىپ, بۇگىندە جۇمىس ىستەپ تۇر. ول www.fincenter.kz سايتىندا ونلاين رەجيمدە قولجەتىمدى. بۇل كارتا ءبىلىم بەرۋ ۇيىمدارى مەن وڭىرلەر تۇرعىسىنان جاتاقحانالار جونىندە بارلىق مالىمەتتى – توسەك ورىندارىنىڭ سانى, ءتيىستى جەر تەلىمدەرىنىڭ بار-جوعى, ولاردىڭ سيپاتتاماسى جايىندا اقپارات الۋعا مۇمكىندىك بەرەدى», — دەدى ب. اسىلوۆا.
بۇل مەحانيزمدى ىسكە اسىرۋ ءۇشىن پارلامەنت ءماجىلىسى دەپۋتاتتارىنىڭ قولداۋىمەن جوو-لاردىڭ اكادەميالىق جانە باسقارۋشىلىق دەربەستىگىن كەڭەيتۋ ماسەلەلەرى تۋرالى زاڭ جوباسى اياسىندا زاڭناماعا تۇزەتۋلەر ۇسىنىلعان.
جۋرناليستەردىڭ سۇراقتارىنا جاۋاپ بەرۋ كەزىندە, ب. اسىلوۆا بۇگىندە ەلىمىزدە 204 مىڭ باسقا قالالاردان كەلىپ وقيتىن ستۋدەنتتەر بارىن, ولاردىڭ 101 مىڭى جاتاقحانا ورنىن قاجەتسىنەتىنىن اتاپ ءوتتى.
«ەگەر پارلامەنت زاڭعا تۇزەتۋلەردى تامىزدا قابىلداسا, وندا مينيسترلىكتىڭ نورماتيۆتىك-قۇقىقتىق اكتىلەرىن رەتتەۋگە تاعى ءبىر اي كەتەدى. 2019 جىلدىڭ قىركۇيەك ايىنا قاراي 5 000 ورىندى پايدالانۋعا بەرۋدى كوزدەپ وتىرمىز. بۇل ءبىزدىڭ وپتيميستىك بولجامىمىز», — دەپ تۇيىندەدى ب. اسىلوۆا.