استانادا بۇگىن حالىقارالىق تۇركى اكادەمياسى (TWESCO) ۇيىمداستىرعان « ۇلى دالا» ءىىى گۋمانيتارلىق عىلىمدار فورۋمى ءوتىپ جاتىر. بيىلعى فورۋم « ۇلى دالا» ءىىى استانانىڭ 20 جىلدىعىنا, سونىمەن قاتار اقىن ماعجان جۇماباەۆتىڭ 125, جازۋشى شىڭعىس ايتماتوۆتىڭ 90, ازەربايجان حالىق رەسپۋبليكاسىنىڭ 100, تومسەننىڭ تۇركى جازۋىن وقۋىنىڭ 125 جىلدىعىنا ارنالىپ وتىر.
فورۋم اياسىندا حالىقارالىق تۇركى اكادەمياسى تۇركى دۇنيەسىنىڭ ءبىلىم مەن عىلىمىنىڭ دامۋىنا, سونىمەن قاتار ىنتىماقتاستىقتى نىعايتۋعا زور ۇلەس قوسقان تانىمال تۇلعالارعا التىن مەدال تابىستادى.
فيلولوگيا عىلىمدارىنىڭ دوكتورى, پروفەسسور, رەسەي عىلىمدار اكادەمياسىنىڭ ۋفا عىلىمي ورتالىعى تاريح, ءتىل جانە ادەبيەت ينستيتۋتىنىڭ عىلىمي جەتەكشىسى فيرداۋس حيساميتدينوۆاعا (رەسەي, باشقۇرستان) التىن مەدالدى مەملەكەتتىك حاتشى گۇلشارا ابدىقالىقوۆا تابىس ەتتى.
«تۇركى اكادەمياسى عىلىمداعى ازدى-كوپتى ەڭبەگىمىزدى ەلەپ, قۇرمەت كورسەتىپ, مەدال تابىس ەتتى. عىلىمنىڭ دامۋىنا وسىنشالىقتى مۇمكىندىك بەرىپ وتىرعان قازاقستاننىڭ بۇگىنگى دامۋى ءالى تالاي بيىكتەرگە جەتەلەرى ءسوزسىز. تۇركولوگيا سالاسىنداعى بارشا عالىمداردىڭ باسىن قوسقان القالى جيىن يگى داستۇرگە اينالىپ ۇلگەردى. وسى رەتتە قازاق حالقىنا, تۇركى اكادەمياسىنا زور العىسىمدى بىلدىرەمىن. استانا ەۋرازيانىڭ رۋحاني, مادەني ورتالىعىنا اينالدى», دەدى فيرداۋس حيساميتدينوۆا.
سونىمەن بىرگە, فيلولوگيا عىلىمدارىنىڭ دوكتورى, چۋۆاش ءتىلىنىڭ زەرتتەۋشىسى, پروفەسسور نيكولاي ەگوروۆقا (رەسەي, چۋۆاشيا), فيلولوگيا عىلىمدارىنىڭ دوكتورى, پروفەسسور, رەسەي عىلىمدار اكادەمياسى, تاريح-فيلولوگيا عىلىمدارى بولىمىنە قاراستى تۇركولوگتار كوميتەتى توراعاسىنىڭ ورىنباسارى ولەگ مۋدراكقا TWESCO-نىڭ التىن مەدالى تابىستالدى.
ايا ءومىرتاي,
«ەگەمەن قازاقستان»