بۇل تۋرالى «قازاقستان تەمىر جولى» اق ءباسپاسوز قىزمەتى حابارلادى.
«الماتى-1» تەمىرجول ۆوكزالىنا جەتكىزىلگەن جولاۋشىلارعا مەديتسينالىق قىزمەت كورسەتىلدى. سول جەردە ۆوكزالدىڭ مەديتسينالىق پۋنكتى مەن 10-نان استام جەدەل جاردەم قىزمەتىنىڭ كولىگى كەزەكشىلىك اتقاردى. سونداي-اق, جولاۋشىلارعا قوسىمشا اقپاراتتىق-انىقتامالىق اۋماقتا تەمىرجول بيلەتتەرىنىڭ اقشاسىن قايتارىپ الۋعا قاتىستى كەڭەس بەرىلدى.
«ادامداردى بەلگىلەنگەن پۋنكتكە جەدەل جەتكىزۋ ءۇشىن شۋ ستانساسىنا 7 جولاۋشى ۆاگونى جىبەرىلدى», - دەدى «قتج-جۇك تاسىمالى» اق الماتى قالالىق فيليالىنىڭ ديرەكتورى سارسەبەك جاپاروۆ. رەلستەن شىعىپ كەتكەن پويىزى جولاۋشىلارىنىڭ ايتۋىنشا, وقىس وقيعا بولعاننان كەيىن جولسەرىكتەر ولاردى بىردەن ۆاگوننان سىرتقا شىعارعان. شامالى ۋاقىت وتكەن سوڭ تەمىرجولشىلار جولاۋشىلاردى باسقا پويىزبەن الماتىعا جونەلتكەن.
«قازاقستان تەمىر جولى» اق-نىڭ مالىمەتىنشە, اتالمىش وقيعا استانا-الماتى باعىتىمەن جۇرەتىن پويىزداردىڭ ءجۇرۋ كەستەسىنە كەدەرگى كەلتىرمەگەن.