ازيا چەمپيوناتىنىڭ فينالىندا قازاقستاندىق ەركەجان داۋلەتجانقىزىن جەڭگەن ۆەتنامدىق بوكسشى قىز جىگىت بولىپ شىقتى, دەپ حابارلايدى altaynews.kz.
تايلاندتاعى تۋرنير ساۋىردە وتكەن. شقو-دان بارعان قىز فينالدا ۆەتنامدىققا جول بەرگەن. الايدا ءبىراز ۋاقىت وتكەننەن كەيىن ونىڭ جىگىت ەكەنى انىقتالدى.
"جۇدىرىقتاسۋ ءادىسى مەن داۋىسى جىگىتكە ۇقساعان", - دەيدى قازاقستاندىق سپورتشىنىڭ جاتتىقتىرۋشىسى ارمان تىنىباەۆ.
ونىڭ ايتۋىنشا, جارىس اياقتالعاننان كەيىن حالىقارالىق بوكس قاۋىمداستىعى سپورتشىدان دنق تەست تاپسىرۋىن تالاپ ەتكەن. وسىلايشا شىندىقتىڭ بەتى اشىلعان. ەكى اپتادان كەيىن ول شەتتەتىلگەن.
قازاقستان بوكس فەدەراتسياسى ەندىگى كەزەكتە ازيا بوكس فەدەراتسياسى ەركەجانعا ازيا چەمپيوناتىنىڭ التىن مەدالىن بەرۋدى جانە ارگەنتينادا وتەتىن جاسوسپىرىمدەر وليمپياداسىنا قاتىسۋدى سۇراپ, ءوتىنىش جازادى.