اتىراۋ وبلىستىق دەنساۋلىق ساقتاۋ باسقارماسى وكىلدەرىنىڭ مالىمەتىنشە, اسكەري قىزمەتكەر وبلىستىق اۋرۋحاناعا 5 مامىردا اۋىر جاعدايدا تۇسكەن.
«پاۆلودار وبلىسىنىڭ اقسۋ قالاسىنان شاقىرىلعان 19 جاستاعى مەرزىمدى اسكەري قىزمەتشى تۋبەركۋلەز مەنينگيتىنەن قايتىس بولعان. اسكەري قىزمەتكەردىڭ اۋرۋى مەنينگوكوكتى ينفەكتسيا سەكىلدى جۇقپالى اۋرۋلار قاتارىنا جاتپايدى, اۋا جانە تامشىلار ارقىلى جۇقپايدى. ناۋقاستىڭ وكپەسىن فليۋوروگرافيادان وتكىزۋ كەزىندە ونىڭ وكپەسى تازا بولىپ شىقتى, سوندىقتان دا ونىمەن بىرگە قىزمەت ەتىپ جۇرگەندەرگە جۇقپاعان», - دەپ مالىمدەدى اتىراۋ وبلىستىق كلينيكالىق اۋرۋحانانىڭ باس دارىگەرى ساين شوميروۆ.
قازىرگى ۋاقىتتا دەنساۋلىق ساقتاۋ باسقارماسىنداعىلار قىزمەتتىك تەكسەرىس جۇرگىزىپ جاتىر. سونداي-اق, مالىمەتتەر اسكەري پروكۋراتۋراعا جىبەرىلدى. بىراق دەنساۋلىق ساقتاۋ باسقارماسىنداعىلاردىڭ ايتۋىنشا, اسكەري قىزمەتكەر مەنينگوكوكك ينفەكتسياسىنان كوز جۇمعان جوق.