«رۋحاني جاڭعىرۋ» باعدارلاماسىن قاراعاندى وبلىسىندا ىسكە اسىرۋدىڭ ءبىرىنشى جىلىنىڭ قورىتىندىسى تۋرالى ورتالىق كوممۋنيكاتسيالار قىزمەتى ءباسپاسوز كونفەرەنتسياسىندا ءوڭىر باسشىسى ەرلان قوشانوۆ باياندادى.
وبلىس اكىمى جارتى جىل بۇرىن ۇلتتىق دەڭگەيدەگى مۇنداي اۋقىمدى جوبانىڭ ءمانىن قازاقستاندىقتاردىڭ ءبارى بىردەي تۇسىنە بەرمەگەنىن, الايدا از ۋاقىتتىڭ ىشىندە ول ناقتى نۇسقاسىنا يە بولعانىن ايتىپ ءوتتى. بۇگىنگى كۇنى قاراعاندى وبلىسىندا باعدارلامادا بەكىتىلگەن بارلىق التى ارنايى جوبا بويىنشا بەلسەندى جۇمىس جۇرگىزىلىپ جاتىر.
ماسەلەن, وڭىردە ءار ءتۇرلى 456 جوبا جاسالعان, ولاردىڭ جارتىسى ەندىگى ىسكە اسىرىلىپ قويعان. مالىمدەلگەن جوبالاردىڭ جالپى قۇنى 13 ميلليارد تان اسا تەڭگە, ونىڭ ىشىندە شامامەن 5 ملرد. – دەمەۋشىلەر مەن مەتسەناتتار ەسەبىنەن.
باعدارلاما شەڭبەرىندە قاراعاندى وبلىسىندا ازاماتتىق باستامالار كۇنى ۇيىمداستىرىلدى, ول ءوڭىرىمىزدىڭ كەز-كەلگەن تۇرعىنىنا ءومىردىڭ سول نەمەسە باسقا دا سالاسىن قالاي جاقسارتۋعا بولاتىنى تۋرالى ناقتى ۇسىنىستارمەن كەلۋگە مۇمكىندىك بەرەدى. بۇل اكتسيا قاراعاندىلىقتاردىڭ ۇلكەن قىزىعۋشىلىعىنا يە بولعانىن ايتا كەتكەن ءجون. وعان قوسا, تاعى ءبىر قىزىقتى جوبا ازىرلەنىپ جاتىر – يگى ىستەر كورپوراتسياسى ءموبيلدى قوسىمشاسى, ونىڭ كومەگىمەن كەز-كەلگەن ادام قالاۋى بويىنشا تەلەفوننان ناقتى قايىرىمدىلىق جوبالارىنا ازداعان سوما جىبەرە الادى.
ەرلان قوشانوۆ ءوڭىر تۇرعىندارى پرەزيدەنتتىڭ «تۋعان جەر» باستاماسىن دا نىق سەنىممەن قابىلداعانىن ايتتى.
- بەلسەندىلەر, قوعامدىق ۇيىمدار, بيزنەس-قوعامداستىق وكىلدەرى ىشىنەن شىققان ناعىز ازاماتتار بۇل ۇردىستەن تىس قالعان جوق. ولاردىڭ قاتىسۋىمەن قالالاردا, اۋدان ورتالىقتارىندا جانە اۋىلداردا تەك ءبىر جىلدىڭ ىشىندە 76 الەۋمەتتىك نىساندار سالىنىپ, جوندەۋدەن ءوتتى.-, دەپ ايتتى ءوڭىر باسشىسى.
ۇلىتاۋداعى ساكرالدى نىساندارعا كىرمە جولدار سالۋ جۇمىسى ءجۇرىپ جاتىر. تۋريستىك ينفراقۇرىلىمدى جاقسارتۋ ءۇشىن قۇنى 718 ملن. تەڭگە بولاتىن ساپار-ورتالىق سالۋ جوسپارلانعان, ول تۋريستەرگە ءوڭىر تۋرالى, جولباعىتتار, ورنالاسۋ ورىندارى جانە ت.ب. تۋرالى بارلىق قاجەتتى اقپاراتتى الۋعا مۇمكىندىك بەرەدى. سونىمەن بىرگە, جەكە ينۆەستيتسيالار ەسەبىنەن ۇلىتاۋدا ەتنواۋل سالىناتىن بولادى. بۇل جوبانىڭ قۇنى 150 ملن. تەڭگەنى قۇرايدى.
بيىلعى جىلى «رۋحاني جاڭعىرۋ» باعدارلاماسى شەڭبەرىندە وبلىستا «جەز كيىك» حالىقارالىق ەتنوستىق مۋزىكا فەستيۆالى وتكىزىلەدى, وعان قىتايدان, مەكسيكادان, پەرۋدەن, تۇركيادان, تادجىكستاننان, پولشادان, فرانتسيادان, شوتلانديادان جانە جاپونيادان كەلەتىن توپتار قاتىسادى. ۇلى ويشىل بۇقار جىراۋ قالقامان ۇلىنىڭ 350 جىلدىعىنا ارنالعان سالتاناتقا جان-جاقتى دايىندىق ءجۇرىپ جاتىر.
وبلىستا تاياۋ كۇندەرى ەلىمىزدەگى العاشقى ۇلى دالا مۇراگەرلەرى فورۋمى ءوتتى, وعان 4 مىڭنان اسا وقۋشى قاتىستى. بيىلعى وقۋ جىلى بويى قاراعاندى, اتىراۋ, تالدىقورعان نزم مۇعالىمدەرى جەزقازعان- ۇلىتاۋ ءوڭىرىنىڭ قاراپايىم ورتا مەكتەپتەرىنە ءوز تاجىريبەلەرىن بەردى. كەلەسى وقۋ جىلىندا جەزقازعان ءوڭىرىنىڭ مەكتەپتەرى نزم باعدارلاماسى بويىنشا ءوز بەتىنشە جۇمىس ىستەيتىن بولادى.
ءوز بايانداماسىن اياقتاي كەلە, ەرلان قوشانوۆ:
- بارلىق ءىس-شارالار مەن جوبالار, وسىناۋ بارلىق تسيفرلار مەن كورسەتكىشتەر سىرتىندا مەتسەناتتارىمىزدىڭ, جەرلەستەرىمىزدىڭ ۇلكەن جۇمىسى تۇر. ازاماتتاردىڭ ءاربىر بالالار الاڭى, ءاربىر نىسان سىرتىندا ءتىرى ادام تۇرعانىن ءبىلۋى كەرەك. ول ادامدار تۋرالى ايتۋ كەرەك. ءبىزدىڭ وبلىسىمىزدا سونداي جومارت جانداردىڭ وتە كوپ ەكەنى مەنى قۋانتادى.
«رۋحاني جاڭعىرۋ» باعدارلاماسى اياسىنداعى جۇمىس جالعاساتىن بولادى.