ءداستۇرلى تۇردە ءوتىپ تۇراتىن سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى كۋبوگىنىڭ جەرەبەسى تارتىلىپ, ءىح مارتە جالاۋى جەلبىرەيتىن جارىستا قاي كوماندالاردىڭ ءوزارا كۇش سىناساتىنى بەلگىلى بولدى.
بوكسشىلار باسەكەسىندە باق سىنايتىن كوماندالار ءتورت توپقا ءبولىندى: «ا» توبى – الماتى, باتىس قازاقستان, پاۆلودار جانە قاراعاندى وبلىستارى (باسەكەلەر 6-9 قىركۇيەك ارالىعىندا پاۆلوداردا وتەدى). «ۆ» توبى – استانا قالاسى, اتىراۋ, سولتۇستىك قازاقستان جانە شىعىس قازاقستان وبلىستارى (باسەكەلەر 13-16 قىركۇيەك ارالىعىندا پەتروپاۆلدا وتەدى). «D» توبى – الماتى قالاسى, ماڭعىستاۋ, قىزىلوردا, اكمولا وبلىستارى (باسەكەلەر 13-16 قىركۇيەك ارالىعىندا اقتاۋدا وتەدى). «س» توبى – وڭتۇستىك قازاقستان, جامبىل, قوستاناي جانە اقتوبە وبلاستارى (باسەكەلەر 6-9 قىركۇيەك ارالىعىندا شىمكەنتتە وتەدى).
توپتىق تۋرنيرلەردە ءبىرىنشى ورىن العان كوماندالار جارتىلاي فينالعا جولداما الادى. وسى مەجەدە باعى جانعاندار فينالدىق سايىستا كۇش سىناسادى. ال كونفەدەراتسيا كۋبوگىنىڭ جەڭىمپازىنا 25 ميلليون تەڭگە كولەمىندە سىياقى بەرىلەدى. شەشۋشى باسەكەلەر جەلتوقسان ايىندا ۇيىمداستىرالدى.
ەستەرىڭىزگە سالا كەتەيىك, وسى كۇنگە دەيىن ايتۋلى جارىستا استانا قالاسى (2010, 2013 جىلدارى), ماڭعىستاۋ (2012, 2016 جىلدارى) مەن وڭتۇستىك قازاقستان (2015, 2017 جىلدارى) وبلىستارىنىڭ بىلعارى قولعاپ شەبەرلەرى ەكى رەتتەن توپ جارسا, قاراعاندى (2011 جىل) مەن جامبىل (2014 جىل) ءبىر مارتە ۇزدىك شىقتى.
عالىم سۇلەيمەن, «ەگەمەن قازاقستان»