بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆتىڭ قاتىسۋىمەن ەكونوميكا جونىندەگى ساراپتاما كەڭەسىنىڭ كەزەكتى وتىرىسى ءوتتى, دەپ حابارلايدى primeminister.kz.
وتىرىس بارىسىندا اۋىل شارۋاشىلىعى سالاسىندا باسەكەگە قابىلەتتىلىكتى دامىتۋ, سونداي-اق حالىقتىڭ جۇمىسپەن قامتىلۋىن رەسميلەندىرۋ جانە ەسەپكە الۋدىڭ جۇيەلىك شارالارىن ىسكە اسىرۋ ماسەلەلەرى تالقىلاندى.
اتاپ ايتقاندا, اۋىل شارۋاشىلىعى سالاسىنداعى قازىرگى جاعداي, وڭىرلەر جانە ازىق-ت ۇلىك, سۋسىن جانە جەڭىل ونەركاسىپ ونىمدەرى ءوندىرىسى بويىنشا باسەكەگە قابىلەتتىلىكتى ودان ءارى دامىتۋ جونىندەگى ساراپشىلاردىڭ ۇسىنىستارى مەن تالداۋلارى قارالدى.
كۇن تارتىبىندەگى ەكىنشى ماسەلە بويىنشا «قر كەيبىر زاڭنامالىق اكتىلەرىنە حالىقتى جۇمىسپەن قامتۋدى رەسميلەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى. جوبا بەيرەسمي جۇمىسپەن قامتىلعان ادامداردىڭ قىزمەتىن زاڭداستىرۋ ماقساتىندا بىرىڭعاي تولەم جۇيەسىن ەنگىزۋدى قاراستىرادى.
كەڭەستە «Oil Gas Project» جشس ديرەكتورى ج. احمەتوۆ, «قازاق مۇناي جانە گاز ينستيتۋتى» اق باس ديرەكتورىنىڭ كەڭەسشىسى ج. كۇلەكەەۆ, «قازاقستاننىڭ حالىق بانكى» اق باسقارما ءتورايىمى ءۇ. شاياحمەتوۆا, «استانا» حالىقارالىق عىلىمي كەشەنى» ورتالىعىنىڭ باسشىسى ا. بورانباەۆ, «راكۋرس» ەكونوميكالىق تالداۋ ورتالىعى» قوعامدىق قورىنىڭ ديرەكتورى و. جاندوسوۆ, «قوعامدىق ماسەلەلەردى تالداۋ ورتالىعى» قوعامدىق قورىنىڭ ديرەكتورى م. ماحمۇتوۆا, قر پرەمەر-ءمينيسترىنىڭ ورىنباسارى ە. دوساەۆ, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆا جانە ت.ب. ءسوز سويلەدى.