ۇلتتىق مۋزەيدە «كونە كىتاپ – رۋحاني جاڭعىرۋدىڭ جارقىن جولى» كوشپەلى كورمەسى ءوتىپ جاتىر

مازمۇنى قاسيەتتى رامازان ايى­مەن سايكەستەندىرىلگەن كور­مە­گە تۇركىستاندا العاش يسلام ءدىنى­نىڭ نەگىزىن قالاۋشىلار يس­قاق باب, ابد ءال-جاليل بابتىڭ ءدىن­دى تاراتۋى جايلى ناسابنامالار, احمەت ءياساۋيدىڭ شەجىرەسى جازىل­عان ناسابناما, احمەت ءياساۋي­دىڭ ءمورى, ديۋاني حيكمەت, قول­جاز­با­لار, دۇ­عا كىتاپتار, پايعام­بار­لار ءومىرى جازىلعان كونە كىتاپ­تار, فيح ما­سەلەلەرى, ت.ب جادىگەرلەر قويىلدى.

كورمەنىڭ اشىلۋ راسىمىندە ۇلتتىق مۋزەيدىڭ اقپاراتتىق-يميدجدىك قىزمەتىنىڭ جەتەكشىسى داۋلەتكەرەي قۇسايىنوۆ: «...حVI عاسىردا ءومىر سۇرگەن جازۋ­شى, ساتيريك, پەداگوگ ەرازم روت­تەر­دامسكي: «مەن ءۇشىن جەر­ۇيىق – كىتاپحانام قايدا بولسا, سول جەردە» دەپتى. ۇلتتىق مۋزەيدە تۇرعان كۇلتەگىن ەسكەرتكىشى دە دانا حالقىمىزدىڭ ءسوز مارجاندارى, ماقال-ماتەلدەرى, تاريحى, دانالىعى جازىلعان كىتاپتىڭ العاشقى نۇسقاسى بولماق. كىتاپ­تى ۇلىقتايتىن بۇل مەرەكە اتا-بابامىزدىڭ ەرتە زاماننان بەرى جيعان اسىل, دانا سوزدەرىنە تاع­زىم ەتۋ بولىپ تابىلادى», دەپ ءوز پىكىرىن ءبىلدىردى.

كورمەنى ۇيىمداستىرۋداعى ماقسات مۋزەي قورىندا ساقتالعان كونە كىتاپتاردى, قولجازبالار مەن ناسابنامالاردى, حالقىمىزدىڭ سان عاسىرلىق رۋحاني بايلىعىن بولاشاق ۇرپاققا ۇدايى ناسيحاتتاپ, مۇلتىكسىز جەتكىزىپ وتىرۋ بولىپ تابىلادى.

وڭتۇستىك قازاقستان وبلىسى تاريحي-مادەني ەتنوگرافيالىق ورتالىعىنىڭ ديرەكتورى گۇل­جانات دۇيسەنباەۆا: «حالىق­ارا­لىق مۋزەي كۇنىنە وراي ۇيىمداستىرىلعان بۇل شارا ۇلت­تىق مۋزەي مەن ءبىزدىڭ ورتا­لىقتىڭ اراسىنداعى شىناي­ى ارىپتەستىك قارىم-قاتىناسىمىزدىڭ جار­قىن كورىنىسى دەپ ەسەپتەيمىز. تۇر­كىستان قالاسىنان استاناعا ياساۋي بابامىزدىڭ شەجىرەلەرى, حيكمەتتەرى, ءمورىن الىپ كەلدىك. اتا-بابالارىمىزدان قالعان قاسيەتتى مۇرانى وسكەلەڭ ۇر­پاققا امانات ەتىپ, قاز-قالپىندا جەتكىزە بىلسەك, ويلاعان ءىسىمىزدىڭ جۇزەگە اسقانى. سوندىقتان دا كوزدىڭ قارا­شىعىنداي ساقتاپ كەلە جاتقان بابامىزدىڭ قۇندى كى­تاپتارىن استانا جۇرت­شى­لىعىنىڭ نازارىنا ۇسىنىپ وتىر­مىز», دەدى.

قارشىعا كۇلەن