سيريا مەملەكەتتىك ءباسپاسوز قۇرالدارىنىڭ حابارلاۋىنشا, سەيسەنبى كۇنى يزرايل ءال-كيسۆا قالاسىنداعى اسكەري بازاعا اۋەدەن شابۋىل جاسالعان. داماسكىنىڭ وڭتۇستىگىندە ورنالاسقان قالا يزرايل شەكاراسىنان 50 شاقىرىم قاشقتىقتا ورنالاسقان.
سانا جاڭالىقتار اگەنتتىگىنىڭ مالىمەتىنشە, سيريا اۋە قورعانىسى كۇشتەرى ءيزرايلدىڭ ەكى زىمىرانىن اتىپ تۇسىرگەن. رەسمي باق شابۋىلدان قازا تاپقاندار جونىندە حابار تاراتپاي وتىر, دەگەنمەن بريتانيادا ورنالاسقان سيرياداعى ادام قۇقىقتارى جونىندەگى ورتالىقتىڭ باقىلاۋىنشا توعىزعا جۋىق ادام شەيىت بولعان.
اتالعان شابۋىلعا قاتىستى يزرايل ازىرگە پىكىر بىلدىرمەي وتىر. ايتسە دە سيريامەن بىرلەسكەن يران اسكەري جاساعىنىڭ كۇشەيۋىن قۇپتامايتىندىعىن مالىمدەدى. بۇل كۇندەرى يران ازاماتتىق سوعىستا سيريا ۇكىمەتىن قولداۋ ماقساتىندا سوعىس كەڭەسشىلەرى مەن مىڭداعان سارباز جىبىرگەن بولاتىن.